Сёння, каб пазнаёміцца з матэрыяламі фондаў Нацыянальнага гістарычнага музея, неабавязкова наведваць установу. Рэпрадукцыі некаторых артэфактаў можна пабачыць у Мінску, у Парку культуры і адпачынку імя Чалюскінцаў. У 70 пралётах — сапраўдныя культурныя каштоўнасці беларусаў. Адмысловую выстаўку «Рарытэты Нацыянальнага гістарычнага музея» можна наведаць да афіцыйнага адкрыцця, якое запланавана на 2 чэрвеня.
Папулярызаваць фондавыя калекцыі ў адной з самых наведвальных лакацый Мінска кіраўніцтва музея задумала яшчэ летась. Сваімі экспанатамі падзяліліся ўсе 5 філіялаў Нацыянальнага гістарычнага: Музей сучаснай беларускай дзяржаўнасці, Музей гісторыі тэатральнай і музычнай культуры Беларусі, Дом-музей I з’езда РСДРП, Музей гісторыі беларускага кіно і Музей прыроды і экалогіі.
Мантаж экспазіцыі ўжо завершаны. Некаторыя артэфакты на імправізаванай выставачнай пляцоўцы ўпершыню можна пабачыць па-за сценамі Гістарычнага музея, няхай і ў выглядзе рэпрадукцый. Ад узораў народнага касцюма да вялікага нумізматычнага збору — у фотакалажы зашыфравана 220 кадраў. Памеры гарызантальных банераў — тры на два метры.
Кансультацыя экскурсавода тут неабавязковая: кожны банер дапаўняе тэкставае суправаджэнне. Між тым даведацца пра гісторыю артэфактаў можна адразу на трох мовах. Тэхнічная характарыстыка рэпрадукцый — паўнаколерны шырокафарматны друк для экспанавання на адкрытай прасторы, таму шэдэўры абаронены ад умоў надвор’я. На агароджы парку Чалюскінцаў артэфакты застануцца мінімум на год.
Яўгенія ШЫЦЬКА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.