Вы тут

Інтэрнатаў і сірот усё менш


Летась у Беларусі без апекі бацькоў засталіся 2098 дзяцей, і гэта найменшы паказчык за апошнія больш чым дзесяць гадоў. Звыш за 80 % сірот і малых, якія засталіся без апекі бацькоў, сёння выхоўваюцца ў сем'ях. Акрамя таго, інтэрнатных устаноў у краіне з кожным годам становіцца ўсё менш. Напярэдадні Міжнароднага дня абароны дзяцей спецыялісты расказалі, як у Беларусі клапоцяцца пра сірот.


У краіне функцыянуе 142 сацыяльна-педагагічныя цэнтры (СПЦ), каб усе дзеці, якіх выхоўваюць не ў роднай сям'і, маглі атрымаць падтрымку не толькі ад апекуна ці папячыцеля, але і ад спецыялістаў: псіхолагаў, сацыяльных педагогаў і іншых.

Летась з-за адсутнасці «пастаяльцаў» закрылі два прытулкі ў Магілёўскай і Брэсцкай абласцях. А сярод устаноў, дзе выхоўваліся толькі дзеці-сіроты і малыя, якія засталіся без апекі бацькоў, у 2019-м зачыніліся два дзіцячыя дамы і Ашмянская школа-інтэрнат. Сёлета перастане існаваць і Гомельскі дзіцячы дом. І гэтая дынаміка закрыцця дзіцячых інтэрнатаў — сведчанне добрай работы па ўладкаванню малых у сем'і, упэўнена Алена СІМАКОВА, галоўны спецыяліст галоўнага ўпраўлення выхаваўчай работы і маладзёжнай палітыкі Міністэрства адукацыі. Цяпер у Беларусі працуе 101 сацыяльны прытулак у 142 СПЦ.

Самы эфектыўны рэсурс, які спрыяе ўладкаванню сіраты на сямейную форму выхавання, — рэспубліканскі інтэрнэт-партал «Дадому.бай». За сем гадоў яго існавання тут было зарэгістравана больш за 25 тысяч карыстальнікаў. На партале захоўваюцца звесткі пра 3,5 тысячы дзяцей, у тым ліку 624 відэаролікі пра дзяцей. За гады яго існавання каля трох тысяч малых знайшлі прыёмныя сем'і.

— Сёлета мы плануем цалкам мадэрнізаваць партал, змяніць яго дызайн і напаўняльнасць, дадаць новыя функцыі і магчымасці, — заўважыла дырэктар Нацыянальнага цэнтра ўсынаўлення Міністэрства адукацыі Беларусі Вольга ГЛІНСКАЯ.

У Беларусі назіраецца тэндэнцыя, калі на ўсынаўленне прыходзяць не толькі пары, якія не могуць мець дзяцей, але і тыя, хто мае сваіх біялагічных дзетак і хоча яшчэ або ўжо выгадаваў сваіх, а бацькоўскі патэнцыял яшчэ не растрачаны. Не рэдкасць і пары, якія вяртаюцца па другога і трэцяга малога пасля ўсынаўлення першага.

Ірына СІДАРОК

Прэв'ю: saratov.gov.ru

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.