Вы тут

Кіраўнікі ўрадаў краін СНД падпісалі пакет дакументаў аб супрацоўніцтве


Пакет дакументаў аб развіцці супрацоўніцтва падпісаны па выніках пасяджэння Савета кіраўнікоў урадаў Садружнасці Незалежных Дзяржаў у фармаце відэаканферэнцыі, перадае БЕЛТА.


Адным з ключавых дакументаў, унесеных на разгляд Савета кіраўнікоў урадаў, стаў праект стратэгіі эканамічнага развіцця СНД на перыяд да 2030 года. У дакуменце адлюстраваны ўзгодненыя падыходы краін Садружнасці ў дачыненні да мэтаў, асноўных задач, напрамкаў супрацоўніцтва і механізмаў міждзяржаўнага ўзаемадзеяння ў эканамічнай сферы. Як распавёў старшыня Выканаўчага камітэта — выканаўчы сакратар СНД Сяргей Лебедзеў, паступала прапанова аб тым, каб у цэлым ухваліць гэты дакумент і адначасова даручыць Выканкаму СНД сумесна з дзяржавамі дапрацаваць праект стратэгіі з улікам новых абставінаў, звязаных з пандэміяй COVID-19.

«Выканкам СНД праводзіў актыўныя кансультацыі з прадстаўнікамі дзяржаў па гэтым пытанні, прапаноўваючы магчымыя варыянты вырашэння. Большасць выступае за зацвярджэнне сёння стратэгіі ў тым выглядзе, у якім яна была ўхваленая Эканамічным саветам СНД. Што тычыцца новых момантаў, якія ўзніклі ў нашым эканамічным узаемадзеянні з прычыны пандэміі, то іх мы абавязкова адлюструем у плане па рэалізацыі стратэгіі. Працу па падрыхтоўцы гэтага плана мы ўжо вядзем і прадставім яго на наступным пасяджэнні Савета кіраўнікоў урадаў», — адзначыў ён. Па выніках пасяджэння стратэгія была зацверджаная.

Кіраўнікі ўрадаў падпісалі пагадненні аб сумеснай (аб’яднанай) сістэме сувязі ўзброеных сіл дзяржаў — удзельніц СНД, а таксама аб заснаванні і функцыянаванні Сеткавага ўніверсітэта СНД. Зацверджаны стратэгіі супрацоўніцтва краін СНД на 2021–2030 гады ў маладзёжнай сферы ў галіне турызму, фізічнай культуры і спорту на 2021–2030 гады, а таксама асноўныя мерапрыемствы супрацоўніцтва краін СНД у галіне культуры на 2021–2025 гады.

Ухвалены прагноз вытворчасці і спажывання энергарэсурсаў краін СНД на перыяд да 2030 года. Зацверджаныя таксама прыярытэтныя кірункі супрацоўніцтва краін СНД у сферы транспарту на перыяд да 2030 года і план мерапрыемстваў, прысвечаных Году архітэктуры і горадабудаўніцтва ў СНД ў 2021 годзе.

Акрамя таго, на пасяджэнні зацвердзілі новую рэдакцыю палажэння аб конкурсе на спашуканне прэміі СНД за дасягненні ў галіне якасці прадукцыі і паслуг.

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.