Вы тут

Гiсторыя пад адкрытым небам. Што за банеры з'явiлiся на агароджы сталiчнага парка Чалюскiнцаў?


Афiцыйна выставачны праект «Рарытэты Нацыянальнага гiстарычнага музея Рэспублiкi Беларусь» пачне працаваць з 3 чэрвеня, але маляўнiчыя банеры з выявамi гiсторыка-культурных каштоўнасцяў нашай краiны ўжо з'явiлiся на агароджы сталiчнага парка Чалюскiнцаў.


Iх 70, i, канешне, гэта вельмi мала для таго, каб адлюстраваць усё багацце i непаўторнасць нацыянальнай культурнай спадчыны. Таму на здымкi трапiлi «самыя-самыя» рэдкiя i каштоўныя прадметы з фондаў усiх пяцi фiлiялаў гiстарычнага: музеяў сучаснай беларускай дзяржаўнасцi, гiсторыi тэатральнай i музычнай культуры, гiсторыi беларускага кiно, прыроды i экалогii, Дома-музея I з'езда РСДРП. На выстаўцы пад адкрытым небам можна ўбачыць i прачытаць на беларускай, рускай i англiйскай мовах пра традыцыйныя ўборы i слуцкiя паясы, прадметы рэлiгiйнага культу, мастацкiя палотны, у тым лiку партрэты знакамiтых дзеячаў Беларусi, музычныя iнструменты i зброю, манеты i ўзнагароды, узоры народных промыслаў i рамёстваў, старадаўнiя кнiгi...

 — Выбiраючы экспанаты для гэтага праекта, мы старалiся максiмальна поўна прадставiць розныя музейныя калекцыi i самыя цiкавыя, рэдкiя i каштоўныя рэчы з фондаў,  — гаворыць дырэктар Нацыянальнага гiстарычнага музея Павел Сапоцька.  — На кожным банеры прадстаўлена некалькi экспанатаў, так што агульную iх колькасць на выстаўцы можна смела памнажаць на чатыры. А ў перспектыве, канешне, было б здорава, каб людзi, якiя ўбачаць гэты выставачны праект, зацiкавiлiся i прыйшлi памнажаць i паглыбляць свае веды пра гiсторыка-культурную спадчыну Беларусi ўжо непасрэдна ў музей, на нашы пастаянныя i часовыя экспазiцыi.

Нагадаем, агароджа парка культуры i адпачынку iмя Чалюскiнцаў у Мiнску далёка не ўпершыню становiцца выставачнай пляцоўкай. Цяперашняя маштабная экспазiцыя, аўтарамi якой выступiлi Алег Лукашэвiч, Аляксандр Аляксееў, Алег Ладзiсаў i Дар'я Аўчыннiкава, прадстаўлена пры падтрымцы Мiнiстэрства культуры i Мiнскага гарвыканкама. Плануецца, што працаваць  — даступна i цалкам бясплатна для ўсiх наведвальнiкаў  — выстаўка будзе як мiнiмум на працягу года.

Вiкторыя ЦЕЛЯШУК

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.