Прэм'ер-міністр Польшчы Матэуш Маравецкі прадставіў палажэнні чацвёртага этапу зняцця абмежаванняў, уведзеных у сувязі з эпідэміяй каранавіруса, паведамляе polskieradio.pl.
Пачынаючы з 30 мая ў Польшчы часткова адмяняецца абавязацельства засланяць рот і нос.
«У агульнадаступных публічных месцах будзе абавязваць адзін агульны прынцып - захаванне двухметровай дыстанцыі. Калі гэты прынцып будзе выконвацца, маскі насіць будзе неабавязкова», - сказаў Матэуш Маравецкі.
Па словах кіраўніка польскага ўрада, аднак, нашэнне масак працягне быць абавязковым у крамах, грамадзкім транспарце, цэрквах і кінатэатрах.
Матэуш Маравецкі таксама абвясціў аб адкрыцці культурных, спартыўных і забаўляльных аб'ектаў за выключэннем начных клубаў і дыскатэк.
У рамках чацвёртага этапу зняцця абмежаванняў будуць таксама дазволеныя публічныя сходы да 150 чалавек. Адначасова будуць адменены ліміты па знаходжанні наведвальнікаў у крамах і гастранамічных установах і вернікаў у цэрквах.
Прэв'ю: chinfluence.eu
Мерапрыемства праводзіцца на добраахвотнай аснове.
Не выявіць ні секунды абыякавасці.
