Вы тут

Рэспубліканскі конкурс прафесійнага майстэрства WorldSkills Belarus пройдзе ў верасні


"Пытанне аб пераносе мерапрыемстваў па падрыхтоўцы і правядзенні заключнага  этапу IV Рэспубліканскага конкурсу прафесійнага майстэрства WorldSkills Belarus і III конкурсу Junior Skills разглядалася на пасяджэнні рэспубліканскага арганізацыйнага камітэта WorldSkills International у Рэспубліцы Беларусь. Пасяджэнне праходзіла ў анлайн-рэжыме на чале з міністрам адукацыі Ігарам Карпенкам", - расказалі ў прэс-службе Міністэрства адукацыі.


Было прынята рашэнне, што конкурс пройдзе з 15 па 18 верасня ў гандлёва-выставачным цэнтры на тэрыторыі парка "Вялікі камень". Вызначаны таксама пералік прафесійных кампетэнцый - у гэтым годзе іх 47. Да ранейшых далучацца  чатыры новыя: "Распрацоўка мабільных праграм ", "Акватроніка ", "Полімеханіка і аўтаматызацыя” і  "Ювелірная справа". Ужо прайшлі рэгіянальныя адборы. Іх пераможцы прымуць удзел у заключным этапе рэспубліканскага конкурсу, які арыентаваны ў першую чаргу на школьнікаў, таму што з’яўляецца выдатным прафарыентацыйным мерапрыемствам.

WorldSkills — вядомыя ва ўсім свеце найбуйнейшыя спаборніцтвы па прафесійным майстэрстве, своеасаблівыя алімпійскія гульні для маладых рабочых і спецыялістаў. Яны праводзяцца кожныя два гады ў міжнародным фармаце на працягу ўжо больш за 60 гадоў.

Рух WorldSkills International не проста спрыяе развіццю сістэмы падрыхтоўкі кадраў, але і дапамагае прыцягваць новыя тэхналогіі ў вытворчыя працэсы і рэальны сектар эканомікі краіны.Беларусь далучылася да WorldSkіlls Іnternatіonal у 2014 годзе. Рэспубліканскі чэмпіянат з’яляецца адборачным да міжнароднага.

Апошні 45-ы па ліку чэмпіянат WorldSkіlls Іnternatіonal, які прайшоў у 2019 годзе ў Казані, стаў самым маштабным у гісторыі руху WorldSkіlls: у 56 кампетэнцыях спаборнічалі 1 354 маладыя прафесіяналы з 63 краін і рэгіёнаў. Ацэньвалі іх 1 304 эксперты. Беларусы ўдзельнічалі ў 33 кампетэнцыях, пачынаючы ад дэманстрацыі кулінарных шэдэўраў да тэхналогій будаўніцтва. Наша зборная заваявала ў Казані чатыры медалі выдатнікаў.

Надзея НІКАЛАЕВА

Фота аўтара

Выбар рэдакцыі

Грамадства

Балерына Юлiя Дзятко: Дзецi кар'еры не перашкода, калi i работа любiмая, i дзецi жаданыя

Балерына Юлiя Дзятко: Дзецi кар'еры не перашкода, калi i работа любiмая, i дзецi жаданыя

Яны пазнаёмiлiся ў 10-гадовым узросце ў харэаграфiчным вучылiшчы i з таго часу не расстаюцца.

Грамадства

Не атрымалася паехаць на мора? Займiцеся складаннем радаводу!

Не атрымалася паехаць на мора? Займiцеся складаннем радаводу!

Колькасць людзей, якiя спрабуюць адшукаць свае каранi, з кожным годам павялiчваецца. 

Грамадства

Першая дапамога дзецям пры траўмах. Што трэба ведаць?

Першая дапамога дзецям пры траўмах. Што трэба ведаць?

​Дастаткова часта дзецi трапляюць у крытычныя сiтуацыi праз сваю цiкаўнасць i павышаную актыўнасць.