Вы тут

Студэнцкія фінансава-эканамічныя стартап-праекты прадставілі ў БДУ


Прэзентацыя адбылася ў рамках конкурсу “Бізнес-ідэя”, арганізаванага сярод студэнтаў эканамічнага факультэта. Лепшай ідэяй была прызнаная ініцыятыва трэцякурснікаў Велі Абасава, Міхаіла Войтава, Велі  Ахмедава і Каміла Гуліева. Яны прадставілі музей-атракцыён віртуальнай рэальнасці “Illusion park”. Пры дапамозе найноўшых VR-тэхналогій кожны жадаючы можа выбраць любую з краін і анлайн наведаць яе славутасці, даведацца падрабязную гісторыю пра кожную з іх.


Другое месца заняў праект па стварэнні дзіцячага гатэля “Junior hotel”. Студэнты прапанавалі скамбінаваць дзіцячы сад і традыцыйны гатэль, каб вырашыць пытанні па догляду за дзецьмі на перыяд адсутнасці іх бацькоў. Трэцяга месца ўдастоена канцэпцыя мабільнага дадатку па аптымізацыі выдаткаў “MTBudget”. Гэты фінансавы памочнік  з улікам наяўных грошай прааналізуе пакупкі, а таксама дасць парады па планаванні бюджэту.

Усяго ў конкурсе прынялі ўдзел больш за 50 студэнтаў, якія прадставілі 13 праектаў.

Мерапрыемства праводзілася ў анлайн-рэжыме. У склад журы ўвайшлі прадстаўнікі вядучых банкаў краіны. Крытэрыі ацэнкі ўключалі навізну, арыгінальнасць, актуальнасць, эфектыўнасць, фінансава-эканамічную абгрунтаванасць, а таксама дакладнасць разлікаў і афармленне бізнес-ідэі.

Арганізатарам конкурсу выступіў эканамічны факультэт БДУ.

Надзея НІКАЛАЕВА

Прэв'ю: novostimb.ru

Выбар рэдакцыі

Грамадства

Арэнда жылля. Хоць «мядзведжы кут», абы з выгодамі і пральнай машынай

Арэнда жылля. Хоць «мядзведжы кут», абы з выгодамі і пральнай машынай

Гэтая вясной многія хацелі самаізалявацца на прыродзе.

Грамадства

Дарогамі Славы. Кулямётчык і мінамётчык

Дарогамі Славы. Кулямётчык і мінамётчык

З сапраўднымі легендамі мінулай вайны Паўлам Рубісам і Віктарам Вятошкіным мне пашчасціла сустрэцца ў майскія дні восемдзесят дзявятага года.