Вы тут

Балет Вялікага тэатра «Балеро» можна ўбачыць анлайн


Балет Вялікага тэатра Беларусі «Балеро» на музыку Марыса Равэля можна ўбачыць з сённяшняга дня анлайн. Яго трансляцыя ажыццяўляецца ў супольнасці #ЗОЛОТОЙФОНДБТ афіцыйнай старонкі Галоўнай дырэкцыі фондавых матэрыялаў БТРК «Белтэлерадыёфонд» у «УКантакце» і Facebook. Аб гэтым БЕЛТА паведамілі ў тэатры.


Аднаактовы балет «Балеро» быў пастаўлены Валянцінам Елізар’евым у 1984 годзе. Дырыжор-пастаноўшчык — Яраслаў Вашчак, сцэнаграфія Эрнста Гейдэбрэхта.

Тэмай свайго спектакля балетмайстар вызначыў духоўнае супрацьстаянне жорсткасці і насіллю, нязломную мужнасць перад тварам надыходзячай катастрофы. Балет быў прысвечаны іспанскім антыфашыстам і змагарам з фашызмам ва ўсім свеце. «Дынамічныя позы, складаныя дуэтныя падтрымкі, імклівыя скачкі — увесь магутны пластычны малюнак адлюстроўвае пафас змагання, энергію барацьбы. У танцы артыстаў перададзены пяшчота і пакуты, унутраны пратэст і гатоўнасць загінуць, але не скарыцца», — адзначала пасля прэм’еры музычны крытык Таццяна Мушынская. У спектаклі ўсяго два салісты — Юнак і Дзяўчына. У іх вобразах харэограф увасобіў усю веліч і трагізм змагароў за свабоду. Незвычайна моцнае ўражанне пакідае сінтэз экспрэсіўнага танца і сцэнаграфіі, у якую ўвайшлі вобразы знакамітай «Гернікі» Пабла Пікаса.

Партыю Дзяўчыны ў розныя гады выконвалі Інеса Душкевіч, Натэла Дадзішкіліяні, Таццяна Шаметавец, Марына Вежнавец, Кацярына Борчанка, Ірына Яромкіна, Ганна Фокіна, Таццяна Уласень, Алена Шкатула, Ганна Гурыновіч. Партыю Юнака — Юрый Траян, Уладзімір Іваноў, Уладзімір Камкоў, Аляксандр Куркоў, Юрый Раўкуць, Руслан Мінін, Ігар Сядзько, Антон Краўчанка, Ягор Азаркевіч, Ігар Артамонаў, Юрый Кавалёў, Іван Савянкоў.

Запіс спектакля ажыццёўлены Беларускім тэлебачаннем у 1985 годзе. Выканаўцы: Таццяна Шаметавец (Дзяўчына), Уладзімір Іваноў (Юнак) і артысты балета.

Прэв’ю: rg.ru

Выбар рэдакцыі

Грамадства

Чаму трэба праводзiць цеплавую мадэрнiзацыю?

Чаму трэба праводзiць цеплавую мадэрнiзацыю?

У распараджэннi, падпiсаным на мiнулым тыднi кiраўнiком дзяржавы, ёсць пункт, якi датычыцца капрамонту жыллёвага фонду.

Грамадства

Што рабіць з безнагляднымі жывёламі?

Што рабіць з безнагляднымі жывёламі?

Пасля праходжання юрыдычнай экспертызы на разгляд урада паступiць праект пастановы Савета Мiнiстраў «Аб пытаннях па абыходжаннi з жывёламi».

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.