Вы тут

Адбылося першае пасяджэнне Рэспубліканскай міжведамаснай рабочай групы па пераадоленні COVID-19


Адбылося першае пасяджэнне Рэспубліканскай міжведамаснай рабочай групы па пераадоленні COVID-19.


Яно прайшло ў рэжыме відэаканферэнцыі. Як падкрэсліў у сваім выступленні Старшыня Прэзідыума НАН Беларусі акадэмік Уладзімір Гусакоў, пасяджэнне рабочай групы - адзін з элементаў узаемадзеяння вучоных і медыцынскіх работнікаў. “Намі папярэдне была праведзеная сур'ёзная падрыхтоўчая праца. Зроблены аналіз развіцця сітуацыі ў краіне і свеце. Актуалізаваны зачыны вучоных у галіне прафілактыкі і лячэння. Атрыманы прапановы профільных арганізацый па колькасным складзе і напаўненні групы спецыялістамі, навукоўцамі і практыкамі, якія працуюць “на перадавой”. Мы адпрацавалі асноўныя напрамкі, дзейнасць па якіх будзе найбольш плённай. Рабочая група павінна стаць камунікацыйнай пляцоўкай для адпрацоўкі навукова-абгрунтаваных прапаноў зыходзячы з актуальнай сітуацыі, найноўшых напрацовак айчынных і замежных экспертаў”, - адзначыў Уладзімір Гусакоў.

Да працы міжведамаснай групы плануецца прыцягваць таксама вядучых замежных навукоўцаў.

"Нацыянальная акадэмія навук Беларусі супрацоўнічае з кітайскімі арганізацыямі рознага профілю. Праведзена серыя перамоваў з даследчымі лабараторыямі КНР па сумеснай навукова-вытворчай дзейнасці. У цяперашні час фарміруецца Навуковы Савет па каранавірусу пры Міжнароднай асацыяцыі акадэмій навук. Шэраг акадэмій навук ужо даслалі свае прапановы па выпрацоўцы комплексных стратэгічных рашэнняў па рабоце ў неспрыяльных умовах. Я размаўляў з Прэзідэнтам Расійскай акадэміі навук. Мы абмеркавалі шырокі спектр сумеснай дзейнасці і дамовіліся аб'яднаць нашы намаганні", - падкрэсліў Уладзімір Гусакоў.

Рэспубліканская міжведамасная рабочая група па пераадоленні COVID-19 была створана Пастановай Бюро Прэзідыума НАН Беларусі ад 18 мая 2020 года № 223. У яе ўвайшлі больш за 30 спецыялістаў, якія прадстаўляюць акадэмічную і вузаўскую навуку: вядучыя навукоўцы НАН Беларусі, Міністэрства аховы здароўя, Міністэрства адукацыі, медыкі-практыкі арганізацый сістэмы аховы здароўя. Мэта міжведамаснай групы - арганізацыя і каардынацыя дзейнасці вучоных і медыцынскіх работнікаў ўсёй краіны па практычнай рэалізацыі комплексаў мерапрыемстваў па пераадоленні каранавірусу.

Надзея НІКАЛАЕВА

Фота прадастаўлена НАН

Выбар рэдакцыі

Грамадства

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Маленькі прынц у аднайменнай казцы кожны дзень пачынаў з таго, што прыводзіў у парадак сваю планету. 

Калейдаскоп

Вясёлыя гісторыі чытачоў

Вясёлыя гісторыі чытачоў

Чым бы дзіця ні цешылася, абы не плакала. Пажадана, каб нікога да слёз не даводзіла. Але ж бывае па-іншаму.

Грамадства

«Дзякуй за вашу працу! Вы — героі на ўсе часы!» Як працуюць з COVІD-пацыентамі дзіцячыя ўрачы

«Дзякуй за вашу працу! Вы — героі на ўсе часы!» Як працуюць з COVІD-пацыентамі дзіцячыя ўрачы

Работа дзіцячых паліклінік, гэтак жа як і дарослых, змянілася з-за распаўсюджвання каранавіруснай інфекцыі.

Грамадства

Уступленне ў дарослае жыццё — як выхад у космас

Уступленне ў дарослае жыццё — як выхад у космас

Псiхолаг тлумачыць, чаму паўза пасля заканчэння школы — не трагедыя.