Вы тут

Будаўнікі знайшлі пасланне Чырвонай Арміі да нямецкіх салдат і афіцэраў


Цiкавы ваенны трафей знайшлi будаўнiкi падчас добраўпарадкавання тэрыторыi каля мемарыяльнага комплексу на месцы спаленай вёскi Ала ў Светлагорскiм раёне. Мiна, начыненая пасланнямi з папярэджаннем аб адказнасцi за зверствы, праляжала ў зямлi больш за 75 гадоў.


Незвычайны снарад знайшлi ў лесе, дзе ў Вялiкую Айчынную вайну праходзiла лiнiя фронту. Усярэдзiне знаходкi не было баявога зараду.

— У герметычным корпусе выдатна захаваўся цэлы пачак улётак на нямецкай мове. Гэта зварот Чырвонай Армii да нямецкiх салдат i афiцэраў,  — рассказала прэс-сакратар Гомельскага аблвыканкама Вольга Рабiкава.

Тэкст надрукаваны на паперы сiняга колеру. Як мяркуецца, гэта рабiлася для таго, каб улёткi лепш былi бачныя на снезе, калi мiна падала i паперкi разляталiся. У пасланнi гаворыцца:

«Камандаванне Чырвонай Армii ужо папярэджвала i папярэджвае вас, салдаты i афiцэры, паўторна, што вiнаватае не толькi нямецкае камандаванне, якое аддае загады аб знiшчэннi савецкага насельнiцтва, але i нямецкiя салдаты i афiцэры, якiя выконваюць гэтыя загады. Нiхто з вас не пазбегне расплаты за выкананне гэтых загадаў. Ёсць толькi адзiн шлях пазбегнуць адказнасцi за злачынства  — не здзяйсняць яго».

У другой частцы ўлёткi змешчаны зварот камандавання Чырвонай Армii непасрэдна да ваенных 45-й i 707-й дывiзiй:

«Нам стала вядома, што так званы атрад спецыяльнага прызначэння i паляўнiчыя атрады, складзеныя з вашых дывiзiй, здзяйсняюць злачынствы супраць савецкага мiрнага насельнiцтва. Так, у лiстападзе 1943 года салдатамi i афiцэрамi гэтых атрадаў быў спалены населены пункт Сяльное. 14 студзеня 1944 года жыхары населенага пункта Ала былi сагнаны гэтымi атрадамi ў дамы i адрыны, а затым падпаленыя... Ваш урад сказаў вам, што гэтыя людзi  —  партызаны, i вы аўтаматычна прывялi ў выкананне загад па забойстве i спальваннi. З-за гэтага нявiнныя старыя i дзецi прынялi пакутнiцкую смерць. Як вы будзеце адказваць за такiя жорсткiя дзеяннi? Хто даруе вам такiя зверствы?»

Каштоўная знаходка перададзена спецыялiстам. Далейшы яе лёс вырашыцца ў найблiжэйшы час.

Нагадаем, што на месцы былой вёскi Ала ў Светлагорскiм раёне ўзведзены ўнiкальны мемарыял памяцi аб населеных пунктах Гомельшчыны, якiя былi спалены разам з мiрнымi жыхарамi. Вядома, што жудасны лёс светлагорскай Алы  — гэта ахвяры супараўнальныя 12 Хатыням. У гэтым населеным пункце зiмой 1944 года атрад карнiкаў спалiў жывымi i расстраляў 1758 чалавек, у тым лiку 950 дзяцей.

Наталля КАПРЫЛЕНКА

Загаловак у газеце: Ала адкрывае свае таямнiцы

Выбар рэдакцыі

Грамадства

Запусцілі найноўшы спецыялiзаваны комплекс для падрыхтоўкi судовых экспертаў

Запусцілі найноўшы спецыялiзаваны комплекс для падрыхтоўкi судовых экспертаў

Дзяржаўнаму камiтэту судовых экспертыз споўнiлася сем гадоў.

Грамадства

Як захаваць сэрца i сасуды здаровымi

Як захаваць сэрца i сасуды здаровымi

Адным з самых распаўсюджаных захворванняў у свеце з'яўляецца артэрыяльная гiпертэнзiя.

Грамадства

Валанцёр праекта «Дапамога бяздомным»: Цяпло i падтрымка нават праз ежу перадаюцца

Валанцёр праекта «Дапамога бяздомным»: Цяпло i падтрымка нават праз ежу перадаюцца

Яны кормяць гарачымi абедамi больш за сто чалавек, якiя апынулiся на абочыне жыцця.

Грамадства

Чаму трэба праводзiць цеплавую мадэрнiзацыю?

Чаму трэба праводзiць цеплавую мадэрнiзацыю?

У распараджэннi, падпiсаным на мiнулым тыднi кiраўнiком дзяржавы, ёсць пункт, якi датычыцца капрамонту жыллёвага фонду.