Вы тут

Што хавае дыван. Якія нязваныя госці могуць насяляць наша ўтульнае пакрыццё на падлозе


Дываны і падлогавыя пакрыцці ствараюць цяпло і ўтульнасць у доме. Але, выбіраючы іх, будзьце гатовы правільна даглядаць. Каб выдаліць з ворсу бруд і пыл, якія глыбока ўеліся, недастаткова прыборкі — нават штодзённай. З часам ваш любімы дыван становіцца гасцінным домам для мноства няпрошаных гасцей — тых, аб кім вы не падазраяце. Пра іх расказала ўрач-лабарант Мінскага абласнога цэнтра гігіены, эпідэміялогіі і грамадскага здароўя Святлана Клімук.


Пылавыя кляшчы

У дыванах, асабліва з доўгім ворсам, збіраецца вялікая колькасць пылу, у якім заводзяцца пылавыя кляшчы — дэрматафагаідэсы. Харчуюцца мікраскапічныя паразіты адмерлымі лускавінкамі чалавечай скуры, якія асядаюць у дыванах. Праблема ў тым, што экскрэментаў за сваё жыццё гэтыя істоты вырабляюць у 200 разоў больш за ўласную вагу! Таксічныя прадукты жыццядзейнасці трапляюць у паветра, якім мы дыхаем. Гэта выклікае чханне, кашаль, галавакружэнне і іншыя алергічныя рэакцыі, што асабліва небяспечна для дзяцей.

— Праз пастаянны кантакт з пылавымі кляшчамі можа знізіцца імунітэт і развіцца паўнавартасная алергія, — кажа Святлана Клімук. — Каб пазбавіцца ад кляшчоў і іх патомства, штодзённа праветрывайце памяшканні, у якіх ёсць дываны, рэгулярна выбівайце іх на вуліцы і пры магчымасці выкарыстоўвайце ультрафіялетавую лямпу.

Цвіль

Яшчэ адзін вельмі непрыемны і небяспечны жыхар дывановых пакрыццяў — цвіль. Яна жыве ў памяшканнях з павышанай вільгаццю. Гэтаму грыбку дастаткова аднаго-двух дзён, каб завесціся ў сырым асяроддзі.

— З'яўленне цвілі не застанецца незаўважаным, бо яна мае непрыемны затхлы пах. Шматлікія споры трапляюць у паветра і разлятаюцца па кватэры, да таго ж дыхаць імі небяспечна для здароўя, бо гэта аслабляе імунную, таму пазбаўляцца ад яе варта неадкладна, — папярэджвае суразмоўца.

Пашкоджаны цвіллю дыван вынесіце на вуліцу і цвёрдай шчоткай выдаліце цвіль. Затым апрацуйце месца спецыяльным сродкам ад цвілі, які прадаецца ў магазінах бытавой хіміі. Пасля апрацоўкі старанна прамыйце дыван з абодвух бакоў і як след прасушыце, а пакой, дзе ён ляжаў, праветрывайце некалькі дзён, каб пазбавіцца ад спор, якія засталіся.

Дывановыя скураеды

У дыванах могуць пасяліцца і іншыя насякомыя, напрыклад дывановыя жукі-скураеды. Звычайна яны трапляюць у нашы дамы з вуліцы, запаўзаюць летам праз адчыненыя вокны, ці гаспадары самі заносяць іх з рэчамі. Асабліва жукам падабаюцца футравыя і варсістыя вырабы. таксама яны селяцца ў мэблі і кнігах. Дывановыя скураеды вельмі жывучыя, яны выдатна адчуваюць сябе як у халодных вільготных памяшканнях кшталту падвалаў, так і ў цёплых сонечных гасціных.

— У дыванах селяцца не толькі жукі, але і іх лічынкі. Менавіта яны і ўяўляюць найбольшую небяспеку. Яны харчуюцца вырабамі з шэрсці, а калі дабяруцца да шафы, то «паласуюцца» футрамі і скуранымі вырабамі, — тлумачыць медык. — Дывановыя скураеды небяспечныя і для людзей, яны пераносяць мноства шкодных мікраарганізмаў і яйкі глістоў, якімі пры ўкусе могуць заразіць чалавека.

Барацьба з дывановымі жукамі і іх лічынкамі ў хатніх умовах патрабуе шмат сіл. Давядзецца правесці дэзынфекцыю не толькі пашкоджанага дывана, але і ўсяго пакоя, бо лічынкі хутка распаўсюджваюцца і хаваюцца за плінтусамі, пад мэбляй і ў іншых цёмных месцах. Акрамя таго, дываны трэба будзе пыласосіць 1-2 разы на дзень. Замест інсектыцыдаў можна выкарыстоўваць раствор борнай кіслаты — яна не таксічная для людзей і хатняй жывёлы, але мае адбельваючы эфект і можа пакідаць сляды на цёмных рэчах і паверхнях.

Хваробатворныя бактэрыі

— У дыванах нават пры рэгулярнай чыстцы пыласосам жыве вялікая колькасць хваробатворных бактэрый — ад кішэчнай палачкі і залацістага стафілакока да ўзбуджальнікаў пнеўманіі. На жаль, цалкам дэзынфіцыраваць дыван у хатніх умовах практычна немагчыма, нават калі вы выкарыстаеце бытавую хімію для ачысткі: яна проста не здольная пранікаць настолькі глыбока, каб знішчыць усе бактэрыі, — адзначае Святлана Клімук.

Каб у дыване не завяліся такія непрыемныя суседзі, неабходна рэгулярна яго даглядаць. Можаце скарыстацца хатнімі спосабамі чысткі, але гарантаваць поўную бяспеку яны не здольны, і насякомыя, цвіль і кляшчы будуць зноў вяртацца. Каб ніколі не сутыкацца з падобнымі непрыемнасцямі, рэкамендуецца раз на год здаваць свае дываны ў хімчыстку. Толькі прафесійныя сродкі здольны глыбока пранікнуць у дыван, пазбавіць яго ад пылу і бруду, спор грыбка, яек і лічынак насякомых, а таксама прадэзынфіцыраваць.

Алена КРАВЕЦ

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.