Вы тут

Куды пойдуць сродкі з пазабюджэтнага фонду ЦВК?


У адпаведнасці з Выбарчым кодэксам Беларусі, ЦВК стварыла пазабюджэтны фонд, які фарміруецца за кошт добраахвотнага пералічэння ў яго грашовых сродкаў арганізацый, грамадскіх аб'яднанняў і грамадзян Рэспублікі Беларусь. Такая інфармацыя месціцца на сайце камісіі.


Сродкі пазабюджэтнага фонду будуць выкарыстаны на аплату дадатковых расходаў, звязаных з правядзеннем выбараў Прэзідэнта: выраб дадатковага накладу інфармацыйных матэрыялаў аб кандыдатах, плакатаў з датай выбараў, матэрыяльна-тэхнічнае забеспячэнне тэрытарыяльных і ўчастковых камісій па выбарах, а таксама на аплату іншых выдаткаў, непасрэдна звязаных з выбарчай кампаніяй.

Фота: pixabay.com

Уносіць грашовыя сродкі ў пазабюджэтны фонд могуць арганізацыі, грамадскія аб'яднанні ў безнаяўным парадку шляхам пералічэння грашовых сродкаў са свайго разліковага рахунку на бягучы (разліковы) банкаўскі рахунак Цэнтральнай камісіі; грамадзяне Беларусі шляхам унясення наяўных грашовых сродкаў у касы банкаў, а таксама шляхам пералічэння грашовых сродкаў з рахунку грамадзяніна, у тым ліку з выкарыстаннем банкаўскай плацежнай карткі, з наступным залічэннем іх на бягучы (разліковы) банкаўскі рахунак Цэнтральнай камісіі. Ахвяраванне ў пазабюджэтны фонд Цэнтральнай камісіі грамадзянін можа ажыццявіць з дапамогай сістэмы дыстанцыйнага банкаўскага абслугоўвання «Інтэрнэт-банкінг».

Права размеркавання і выкарыстання грашовых сродкаў пазабюджэтнага фонду належыць Цэнтральнай камісіі. Яна пры неабходнасці мае права прыняць рашэнне аб размеркаванні грашовых сродкаў пазабюджэтнага фонду паміж тэрытарыяльнымі і ўчастковымі камісіямі па выбарах Прэзідэнта Беларусі для іх дадатковага матэрыяльна-тэхнічнага забеспячэння, а таксама аплаты іншых расходаў, непасрэдна звязаных з правядзеннем выбарчай кампаніі.

Нявыкарыстаныя рэшткі грашовых сродкаў пазабюджэтнага фонду ў пяцідзённы тэрмін пасля складання зводнай справаздачы пералічваюцца фінансавым органам адпаведнага выканаўчага камітэта, адміністрацыі.

Такія грашовыя сродкі могуць быць выкарыстаны пры падрыхтоўцы і правядзенні наступных выбараў і рэспубліканскіх рэферэндумаў у парадку, устаноўленым Цэнтральнай камісіяй.

Варвара Марозава

Выбар рэдакцыі

Грамадства

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Маленькі прынц у аднайменнай казцы кожны дзень пачынаў з таго, што прыводзіў у парадак сваю планету. 

Калейдаскоп

Вясёлыя гісторыі чытачоў

Вясёлыя гісторыі чытачоў

Чым бы дзіця ні цешылася, абы не плакала. Пажадана, каб нікога да слёз не даводзіла. Але ж бывае па-іншаму.

Грамадства

«Дзякуй за вашу працу! Вы — героі на ўсе часы!» Як працуюць з COVІD-пацыентамі дзіцячыя ўрачы

«Дзякуй за вашу працу! Вы — героі на ўсе часы!» Як працуюць з COVІD-пацыентамі дзіцячыя ўрачы

Работа дзіцячых паліклінік, гэтак жа як і дарослых, змянілася з-за распаўсюджвання каранавіруснай інфекцыі.

Грамадства

Уступленне ў дарослае жыццё — як выхад у космас

Уступленне ў дарослае жыццё — як выхад у космас

Псiхолаг тлумачыць, чаму паўза пасля заканчэння школы — не трагедыя.