Вы тут

Банкі пачалі даваць анлайн-страхоўкі з опцыяй «каранавірусная інфекцыя»


Камерцыйныя банкі пачалі даваць медыцынскія анлайн-страхоўкі з опцыяй «каранавірусная інфекцыя». Агульны аб'ём выплат можа дасягаць 8000 рублёў пры прычыненні шкоды здароўю і часовай страце працаздольнасці па выніках станоўчага тэсту на COVІD-19.


Поліс з апгрэйдам пад бягучыя рэаліі банк прапанаваў сумесна са страхавой кампаніяй. Выпадак будзе лічыцца страхавым, калі, у прыватнасці, у перыяд дзеяння дагавора будзе выяўлены і дыягнаставаны вірус ва ўстановах аховы здароўя Беларусі.

«Сусветная пандэмія павысіла рызыку пагаршэння здароўя з магчымай часовай стратай працаздольнасці. Новая анлайн-страхоўка дазволіць мінімізаваць, прынамсі, фінансавыя наступствы і кампенсаваць выдаткі тым, хто перахварэе на гэтую заразу. Што важна, можна самастойна выбіраць памер страхавой сумы. Мы жадаем усім берагчы сябе і заставацца дома, а таму ўвесь працэс афармлення рэалізавалі ў анлайне», — адзначыў намеснік старшыні праўлення БПС-Ашчадбанка Алег Бародка.

У ліку страхавых выпадкаў — прычыненне шкоды здароўю або жыццю ў выніку няшчаснага выпадку або хваробы, упершыню выяўленай і дыягнаставанай у перыяд дзеяння дагавора. Таксама страхавое забеспячэнне выплацяць «пры ўмове знаходжання ў стацыянары з каранавіруснай інфекцыяй COVІD-19».

Страхавая сума можа складаць на выбар ад 2000 да 8000 рублёў. Адпаведна, узносы вар'іруюцца ад 15 да 60 рублёў у год. Застрахаваць можна як сябе, так і сваіх блізкіх ці сяброў у мабільным або інтэрнэт-банку «Ашчадбанк анлайн».

Сяргей КУРКАЧ

Загаловак у газеце: Да 8000 рублёў супраць інфекцыі

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.