Вы тут

Як на Гомельшчыне падтрымліваюць састарэлых у перыяд распаўсюджвання каранавіруснай інфекцыі


У Гомельскім, Веткаўскім і Добрушскім раёнах шмат зроблена і робіцца цяпер для падтрымкі састарэлых у перыяд распаўсюджвання каранавіруснай інфекцыі. Да гэтай дзейнасці далучыліся ўсе галіны ўлады, установы аховы здароўя, сацыяльныя службы, арганізацыі, аб'екты гандлю, праваахоўныя органы і грамадскія арганізацыі.


Член Савета Рэспублікі Таццяна Абель сумесна са старшынямі раённых Саветаў дэпутатаў Гомельскага, Добрушскага і Веткаўскага раёнаў Вікторыяй Ладуцька, Уладзімірам Емяльянавым і Віктарам Масейкавым штодзённа маніторыць сітуацыю і аналізуе, дзе патрэбна дапамога ў першую чаргу.

Так, пярвічная арганізацыя ГА «Беларускі саюз жанчын» пры Бальшавіцкім сельвыканкаме Гомельскага раёна падтрымала марафон, арганізаваны грамадскім аб'яднаннем «Беларускі саюз жанчын». Актывісткі сваімі рукамі пашылі сродкі індывідуальнай засцярогі — марлевыя павязкі шматразовага выкарыстання. Больш за 150 вырабленых масак было перададзена работнікам бальніцы сястрынскага догляду ў пасёлку Бальшавік. Частку з іх сшылі на базе касцюмернага цэха заслужанага аматарскага калектыву Рэспублікі Беларусь цырка імя Валерыя Абеля.

— Мы падрыхтавалі павязкі для медыцынскіх работнікаў, — адзначыла Таццяна Абель, — каб людзі адчувалі сябе ў большай бяспецы. Гэта дапаможа і супрацоўнікам, і пацыентам, якія знаходзяцца тут, адчуваць сябе больш абароненымі ад інфекцый.

Між тым у Веткаўскім раёне праводзіцца шэраг мерапрыемстваў, накіраваных на прафілактыку захворвання на рэспіраторныя інфекцыі сярод насельніцтва. На асаблівым кантролі — дом-інтэрнат для састарэлых і інвалідаў «Шубіна». У гэтай установе штодня праводзіцца кантроль стану здароўя супрацоўнікаў. Задача — не дапусціць людзей з сімптомамі рэспіраторных захворванняў да работы.

У Добрушы лекі і прадукты харчавання адзінокім пажылым людзям гатовыя даставіць праваахоўнікі і сацработнікі. Супрацоўнікі міліцыі прайшлі інструктаж і пры штодзённай адпрацоўцы адміністрацыйных участкаў абавязкова наведваюць адзінокіх састарэлых, цікавяцца іх здароўем, даведваюцца пра пажаданні. Папрасіць аб дапамозе пажылыя людзі могуць і наўпрост па тэлефонах участковых інспектараў або па адзіным нумары 102. З мэтай прадухілення распаўсюджвання інфекцыі, выкліканай каранавірусам COVІD-19, адзінокія пажылыя грамадзяне, інваліды І і ІІ групы штодня могуць звярнуцца па дапамогу, па дастаўку прадуктаў харчавання, медыкаментаў, тавараў першай неабходнасці ў службу сацыяльнай падтрымкі Добруша.

Між тым усе цэнтры сацыяльнага абслугоўвання насельніцтва Гомельскай вобласці працягваюць працаваць у пашыраным рэжыме: падоўжаны час работы, працуюць дадатковыя тэлефоны гарачых ліній. На дапамогу сацслужбам прыйшлі грамадскія арганізацыі. Дастаўку ўсяго неабходнага пажылым людзям ажыццяўляюць валанцёры Чырвонага Крыжа, БРСМ, прафсаюзных і царкоўных арганізацый. Не засталіся ўбаку і работнікі паштовых аддзяленняў.

У межах акцыі «Добрае сэрца» адміністрацыя, супрацоўнікі і навучэнцы Гомельскага дзяржаўнага аўтамеханічнага каледжа набылі і даставілі бутлі з пітной вадой у Гомельскую гарадскую клінічную бальніцу № 1.

Валанцёры пярвічнай арганізацыі БРСМ каледжа пад кіраўніцтвам майстра вытворчага навучання Ірыны Сіманчук арганізавалі распаўсюджванне інфармацыі пра метады і сродкі прафілактыкі вірусных інфекцый. Актывісты размяшчалі ўлёткі на дошках аб'яў на прыпынках грамадскага транспарту і каля ўваходаў у пад'езды жылых дамоў. Пазначаны там таксама тэлефоны гарачай лініі, на якія адзінокія пенсіянеры могуць звярнуцца па дапамогу ў дастаўцы лекаў і прадуктаў.

Наталля КАПРЫЛЕНКА

Фота дадзена Гомельскай абласной арганізацыяй Беларускага таварыства Чырвонага Крыжа

Загаловак у газеце: Ніхто не адчуе сябе пакінутым!

Выбар рэдакцыі

Эканоміка

Як абараняцца ад рыэлтараў, якія не хочуць працаваць па законе

Як абараняцца ад рыэлтараў, якія не хочуць працаваць па законе

Лiцэнзiя агенцтва «Гатовыя рашэннi» скасавана, «Iмперыi нерухомасцi» — прыпынена, а «Тваёй сталiцы» выпiсана прадпiсанне.

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Палітыка

У Рэспубліцы Беларусь прайшоў асноўны дзень выбараў Прэзідэнта

У Рэспубліцы Беларусь прайшоў асноўны дзень выбараў Прэзідэнта

Сёлетнія выбары кіраўніка дзяржавы — шостыя па ліку.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.