Вы тут

Другасны рынак жылля застаўся без крэдытаў?


З першых дзён мая Беларусбанк прыпыніў выдачу крэдытаў на куплю жылля, захаваўшы толькі падтрымку першаснага будаўніцтва за кошт крэдытнай праграмы з забудоўшчыкамі-партнёрамі.


yandex.kz

Праўда, яшчэ месяц таму некаторыя беларускія банкі пачалі паступова згортваць крэдытаванне нерухомасці як на першасным, так і на другасным рынках. Калі ў пачатку красавіка крэдыт на куплю жылля можна было ўзяць у сямі банках, то ў канцы месяца — у пяці. А ў пачатку гэтага месяца стала вядома, што крэдытаванне для насельніцтва «абмяжоўваецца» новымі ўмовамі і ў найбуйнейшым банку краіны.

Цяпер банк істотна змяніў умовы крэдытавання нерухомасці. Сёння працэнтная стаўка па крэдыце складае 14,09 % гадавых. Але гэта далёка не ўсё.

Адначасова фінансавая ўстанова паведамляе, што банк прыпыняе прыём новых крэдытных заявак на набыццё жылых памяшканняў на другасным рынку, а таксама куплю домакамплектаў і незавершаных закансерваваных капітальных будынкаў.

Разам з тым прэс-служба Беларусбанка звяртае нашу ўвагу на тое, што фінансісты працягваюць крэдытаваць набыццё і будаўніцтва кватэр у забудоўшчыкаў у рамках партнёрскай праграмы «Іпатэка з намі». Сёння банк супрацоўнічае з 22 будаўнічымі кампаніямі па ўсёй краіне, і з імі распрацаваны індывідуальныя крэдытныя прадукты.

Акрамя таго, застаюцца нязменнымі ўмовы крэдытавання будаўніцтва і набыцця жылля з субсідзіраваннем у рамках Указа № 240 і сістэмы будаўнічых зберажэнняў.

Таксама прыпынены прыём крэдытных заявак на рэфінансаванне буйных пакупак «Удалае абнаўленне», на куплю новых аўтамабіляў (акрамя крэдытаў на набыццё аўтамабіляў Geely ў рамках праграмы з СЗАТ «БелДжы»), на атрыманне спажывецкага крэдыту з выкарыстаннем крэдытнай карткі ў рамках заключаных дагавораў аб супрацоўніцтве з арганізацыямі гандлю і сэрвісу.

Банк захаваў магчымасць афармлення ў аддзяленнях крэдытаў на аплату навучання, на куплю тавараў беларускіх вытворцаў праграмы «Партнёр аптымальны». Афармленне іншых крэдытаў на спажывецкія патрэбы ажыццяўляецца праз каналы дыстанцыйнага банкаўскага абслугоўвання: сістэмы «М-банкінг», «Інтэрнэт-банкінг», кантакт-цэнтр, карпаратыўны вэб-сайт і інфакіёскі банка.

І трошкі добрых навін. Усе заяўкі на крэдыт, якія паступілі да 1 мая, будуць разгледжаны ва ўстаноўленым парадку на ранейшых умовах.

Сяргей КУРКАЧ

Выбар рэдакцыі

Калейдаскоп

Вясёлыя гісторыі чытачоў

Вясёлыя гісторыі чытачоў

Галаву можна вешаць, ламаць, сушыць, намыльваць... Але не губляць!

Грамадства

Як шматдзетная сям’я будуе жыллё з дапамогай дзяржаўнай субсідыі

Як шматдзетная сям’я будуе жыллё з дапамогай дзяржаўнай субсідыі

Святлана, шматдзетная мама з вёскі Чарнаўчыцы, што пад Брэстам, падзялілася гісторыяй іх сям'і і дома.

Грамадства

Камень Узнясення, «Стопачка» і «Руская свечка». Што паглядзець у Іерусаліме?

Камень Узнясення, «Стопачка» і «Руская свечка». Што паглядзець у Іерусаліме?

Аўтобусы з паломнікамі і турыстамі ніколі не праязджаюць міма гэтых знакавых, і не толькі для хрысціян, святынь.