Вы тут

Заключны тур рэспубліканскай алімпіяды пройдзе толькі для 11-класнікаў


Заключны тур рэспубліканскай алімпіяды па 18 вучэбных прадметах пройдзе з 11 па 14 мая толькі для навучэнцаў выпускных класаў. Пра гэта паведаміла Міністэрства адукацыі ў сваім афіцыйным Telegram-канале.


Звычайна заключны тур для ўсіх школьнікаў праходзіў падчас вясенніх канікул, але сёлета тэрміны яго правядзення былі пасунутыя ў сувязі з трывожнай эпідэміялагічнай абстаноўкай. Сітуацыя з распаўюджваннем каранавіруса па-ранейшаму застаецца напружанай, таму рашэнне праводзіць заключны тур толькі сярод адзінаццацікласнікаў звязана з мэтай мінімізаваць рызыку для здароўя школьнікаў. Разам з тым пераможцы заключнага туру алімпіяды з кола навучэнцаў выпускных класаў маюць льготы пры паступленні на адпаведныя спецыяльнасці ў вышэйшыя навучальныя ўстановы, таму адзінаццацікласнікам будзе прадастаўлена магчымасць паспаборнічаць і заваяваць дыпломы пераможцаў, якія гарантуюць адпаведную льготу. Ім, канешне, было б крыўдна пазбавіцца гэтага шанцу.

“Паспяховае выступленне навучэнцаў на рэспубліканскай алімпіядзе патрабуе інтэлектуальнай спеласці, камунікабельнасці, здольнасці арыентавацца ў незнаёмай абстаноўцы, умення хутка ацэньваць новую інфармацыю і канцэнтравацца на выканнні пастаўленай задачы, — падкрэсліваюць у Міністэрстве адукацыі. — Усе гэтыя якасці з’яўляюцца ўмовамі канкурэнтаздольнасці навучэнцаў. Таму зараз разглядаецца магчымасць уключэння ў склад абласных каманд, каманды Мінска і Ліцэя БДУ для ўдзелу ў заключным этапе рэспубліканскай алімпіяды ў 2021 годзе навучэнцаў VIII, IX і X класаў, якія перамаглі ў абласных турах і павінны былі выступіць у заключным рэспубліканскім этапе сёлета”.

Надзея НІКАЛАЕВА

Выбар рэдакцыі

Грамадства

Андрэй Худык: Неабходная мабілізацыя ўсіх узроўняў улады, грамадства і бізнесу для сумесных дзеянняў па ахове прыроды

Андрэй Худык: Неабходная мабілізацыя ўсіх узроўняў улады, грамадства і бізнесу для сумесных дзеянняў па ахове прыроды

Ад таго, наколькі беражліва людзі ставяцца да прыроды, залежыць якасць іх жыцця, здароўе і нават дабрабыт. 

Грамадства

У зоне павышанай небяспекі. Як працуе выбуховатэхнічны цэнтр унутраных войскаў МУС

У зоне павышанай небяспекі. Як працуе выбуховатэхнічны цэнтр унутраных войскаў МУС

Пра асаблівасці работы мы пагутарылі з намеснікам начальніка ўстановы Максімам Кулем.

Грамадства

Стаўленне «выкарыстаў — выкiнуў» трэба мяняць на «адсарцiраваў — перапрацаваў»

Стаўленне «выкарыстаў — выкiнуў» трэба мяняць на «адсарцiраваў — перапрацаваў»

Пахаванне адходаў — самы просты i танны спосаб пазбавiцца ад iх, аднак ён шкодзiць наваколлю i здароўю чалавека.

Грамадства

Новы кантэнт для лета. Чым заняць дзяцей на 92 днi

Новы кантэнт для лета. Чым заняць дзяцей на 92 днi

У перыяд летніх канікулаў для школьнiкаў i студэнтаў падрыхтаваны розныя цiкавыя мерапрыемствы, у тым лiку шмат з iх — анлайн.