Вы тут

Трэці этап РТ можна будзе прайсці анлайн


Трэці этап рэпетыцыйнага тэсціравання (РТ) можна будзе прайсці на сайце Рэспубліканскага інстытута кантролю ведаў анлайн.


Як вядома, менавіта апошні этап рэпетыцыйнага тэсціравання аказваецца самым масавым, бо некаторыя абітурыенты адкладваюць магчымасць адрэпетаваць будучы экзамен на апошні момант. Уся школьная праграма на гэты момант ужо пройдзена, да таго ж і тэсты на трэцім этапе адпавядаюць зацверджанай на бягучы год спецыфікацыі, якая уключае тыпы заданняў, іх колькасць, узроўні складанасці і структуру тэста. Ва ўсе папярэднія гады рэпетыцыйнае тэсціраванне праходзіла ў краіне ў сакавіку-красавіку, але сёлета свае карэкціроўкі ў гэты расклад унесла эпідэмія каранавіруснай інфекцыі. Спачатку было аб’яўлена, што трэці этап пераносіцца на май, але днямі стала вядома, што многія пункты правядзення рэпетыцыйнага тэсціравання зноў адмянілі запланаваныя раней на май сеансы РТ.

«Таму з 19 мая ўсім жадаючым будзе прадастаўлена магчымасць прыняць удзел у трэцім этапе рэпетыцыйнага тэсціравання ў электронным фармаце ў анлайн-рэжыме на сайце РІКВ», — праінфармавалі ў інстытуце.

Для ўдзелу ў анлайн-тэсціраванні абітурыентам будзе неабходна, як і раней, зарэгістравацца ў сваім асабістым кабінеце на сайце РІКВ. Пры рэгістрацыі можна будзе скарыстацца адной ці некалькімі свабоднымі аплатамі, якія былі вернутыя пры адмене раней запланаваных сеансаў рэпетыцыйнага тэсціравання ці ажыццявіць аплату праз сістэму «Разлік» (АРІП).

Калі абітурыент рэгіструецца для праходжання рэпетыцыйнага тэсціравання ўпершыню, ён павінен стварыць свой асабісты кабінет удзельніка рэпетыцыйнага тэсціравання на сайце РІКВ, выкарыстоўваючы ўкладку «РТ, on-line рэгістрацыя», у ім зрабіць заяўку на ўдзел у сеансе (сеансах) рэпетыцыйнага тэсціравання, аплаціць удзел, выкарыстоўваючы нумар асабовага рахунку, прысвоены ўдзельніку ў момант стварэння асабістага кабінета на сайце РІКВ.

Рэпетыцыйнае тэставанне праводзіцца па 15 вучэбных прадметах за курс агульнай сярэдняй адукацыі: па рускай і беларускай мове, фізіцы, матэматыцы, хімія, біялогіі, замежных мовах, гісторыі Беларусі, грамадазнаўстве, геаграфіі і Сусветнай гісторыі найноўшага часу.

Надзея НІКАЛАЕВА

Загаловак у газеце: «Рэпетыцыя» ЦТ у фармаце анлайн

Выбар рэдакцыі

Грамадства

Андрэй Худык: Неабходная мабілізацыя ўсіх узроўняў улады, грамадства і бізнесу для сумесных дзеянняў па ахове прыроды

Андрэй Худык: Неабходная мабілізацыя ўсіх узроўняў улады, грамадства і бізнесу для сумесных дзеянняў па ахове прыроды

Ад таго, наколькі беражліва людзі ставяцца да прыроды, залежыць якасць іх жыцця, здароўе і нават дабрабыт. 

Грамадства

У зоне павышанай небяспекі. Як працуе выбуховатэхнічны цэнтр унутраных войскаў МУС

У зоне павышанай небяспекі. Як працуе выбуховатэхнічны цэнтр унутраных войскаў МУС

Пра асаблівасці работы мы пагутарылі з намеснікам начальніка ўстановы Максімам Кулем.

Грамадства

Стаўленне «выкарыстаў — выкiнуў» трэба мяняць на «адсарцiраваў — перапрацаваў»

Стаўленне «выкарыстаў — выкiнуў» трэба мяняць на «адсарцiраваў — перапрацаваў»

Пахаванне адходаў — самы просты i танны спосаб пазбавiцца ад iх, аднак ён шкодзiць наваколлю i здароўю чалавека.

Грамадства

Новы кантэнт для лета. Чым заняць дзяцей на 92 днi

Новы кантэнт для лета. Чым заняць дзяцей на 92 днi

У перыяд летніх канікулаў для школьнiкаў i студэнтаў падрыхтаваны розныя цiкавыя мерапрыемствы, у тым лiку шмат з iх — анлайн.