Вы тут

Штотыднёвы спартыўны агляд «Звязды»


У штотыднёвым спартыўным аглядзе «Звязды» расказваем пра найбольш актуальныя падзеi выхадных.


1. Выканкам Беларускай федэрацыi гандбола вырашыў датэрмiнова завяршыць мужчынскi чэмпiянат краiны. Гэта звязана з пандэмiяй каранавiруса i рэкамендацыямi Еўрапейскай федэрацыi гандбола. Зыходзячы з бягучага становiшча камандаў у турнiрнай таблiцы, чэмпiёнам Беларусi стаў Брэсцкi гандбольны клуб iмя Мяшкова. «Серабро» ў мiнскага СКА, «бронза» дасталася магiлёўскаму клубу «Машэка».

Спiс найлепшых бамбардзiраў узначалiў Максiм Нясвадзьба («Кронан»), якi закiнуў 167 мячоў.

Што датычыцца жаночага чэмпiянату краiны, то вырашана правесцi два паядынкi памiж лiдарамi — гандбалiсткамi «Гомеля» i БНТУ-БелАЗ — 13 i 17 мая. Калi першую сустрэчу выйграюць гамяльчанкi, то яны стануць чэмпiёнкамi, i другая гульня праводзiцца не будзе.

Становiшча камандаў пасля першага этапу жаночага чэмпiянату: «Гомель» — 45 ачкоў, БНТУ-БелАЗ — 43, «Гараднiчанка» (Гродна) — 25.

Нагадаем, раней было прынята рашэнне перанесцi «Фiналы чатырох» розыгрышу Кубка Беларусi сярод мужчынскiх i жаночых камандаў на пачатак сезона–2020/2021.

2. Гандбалiсты мужчынскай зборнай Беларусi атрымалi права выступiць у фiнальнай стадыi чэмпiянату свету 2021 года. Такое рашэнне прыняў выканкам Еўрапейскай федэрацыi гандбола. У сувязi з пандэмiяй каранавiруса ЕГФ вырашыла адмянiць правядзенне матчаў плэй-оф да сусветнага першынства, якiя былi намечаны на лета бягучага года. Каманда Юрыя Шаўцова за выхад на ЧС-2021 павiнна была паспрачацца з пераможцам пары Польшча — Лiтва.

Акрамя беларусаў пуцёўкi ў фiнальную частку планетарнага форуму атрымалi каманды Германii, Венгрыi, Аўстрыi, Швецыi, Францыi, Чэхii, Славенii, Партугалii i Iсландыi. Раней права згуляць у фiнале ЧС ад Еўропы заваявалi гандбалiсты Данii, Нарвегii, Iспанii i Харватыi. 37-ы па лiку мужчынскi чэмпiянат свету па гандболе пройдзе на арэнах Егiпта ў студзенi 2021 года з удзелам 32 камандаў.

3. Завяршылiся матчы 6-га тура чэмпiянату Беларусi па футболе. У заключнай сустрэчы круга футбалiсты «Iслачы» выйгралi ў «Вiцебска» з лiкам 2:0. А раней вынiкi былi такiя: «Смалявiчы» — «Дынама» (Мiнск) — 1:3, «Дынама» (Брэст) — «Шахцёр» (Салiгорск) — 0:2, «Славiя» (Мазыр) — «Мiнск» — 1:3, «Нёман» (Гродна) — «Энергетык-БДУ» (Мiнск) — 3:0, «Гарадзея» — БАТЭ (Барысаў) — 0:2, «Тарпеда-БелАЗ» (Жодзiна) — «Рух» (Брэст) — 0:0, «Слуцк» — «Белшына» (Бабруйск) — 3:2.

Турнiрнае становiшча пасля шасцi тураў: «Слуцк» — 13 ачкоў, «Iслач» — 12, «Тарпеда-БелАЗ» — 11, БАТЭ, «Вiцебск» — па 10, «Дынама» (Мiнск), «Мiнск», «Энергетык-БДУ», «Гарадзея», — па 9, «Нёман», «Шахцёр», «Рух» — па 8, «Дынама» (Брэст), «Славiя» — па 7, «Смалявiчы» — 3, «Белшына» — 2.

Бамбардзiрскую гонку ўзначальвае мiнскi дынамавец Яўген Шыкаўка, якi забiў чатыры галы.

Наступны тур пройдзе з 1 да 3 мая.

4. Спаборнiцтвы ў штурханнi ядра запланаваны ў Беларусi на 30 красавiка, iх анлайн-трансляцыя пачнецца ў 18.00. «Сённяшняя сiтуацыя, выклiканая пандэмiяй COVID-19, паўплывала не толькi на каляндар, але i на трэнiровачны працэс у многiх краiнах. У беларускiх лёгкаатлетаў ёсць магчымасць працягваць сваю падрыхтоўку, i, вядома, яны яе не ўпускаюць. 30 красавiка ў 18.00 адбудуцца першыя ў нашай краiне афiцыйныя спаборнiцтвы па штурханнi ядра ў рэжыме анлайн», — адзначылi ў прэс-службе Беларускай федэрацыi лёгкай атлетыкi.

Спаборнiцтвы будуць уяўляць сабой дзве дуэлi, у якiх возьмуць удзел вядучыя штурхальнiкi ядра Беларусi ў розных узроставых катэгорыях. У кожнага з удзельнiкаў ёсць права на выкананне шасцi спроб, па вынiках якiх будзе вызначаны пераможца ў кожнай з пар. Пройдуць спаборнiцтвы ў месцах трэнiровак лёгкаатлетаў — у Вiцебску i Брэсце. За выступленнямi спартсменаў можна будзе назiраць на YouTube-канале БФЛА AthleticsBY.

Дар'я Лабажэвiч

Загаловак у газеце: Беларусы без барацьбы трапiлi на чэмпiянат свету

Выбар рэдакцыі

Эканоміка

Як абараняцца ад рыэлтараў, якія не хочуць працаваць па законе

Як абараняцца ад рыэлтараў, якія не хочуць працаваць па законе

Лiцэнзiя агенцтва «Гатовыя рашэннi» скасавана, «Iмперыi нерухомасцi» — прыпынена, а «Тваёй сталiцы» выпiсана прадпiсанне.

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Палітыка

У Рэспубліцы Беларусь прайшоў асноўны дзень выбараў Прэзідэнта

У Рэспубліцы Беларусь прайшоў асноўны дзень выбараў Прэзідэнта

Сёлетнія выбары кіраўніка дзяржавы — шостыя па ліку.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.