Вы тут

Новым галоўным тэнерам мінскага «Дынама» стаў Леанід Кучук


Леанід Кучук прыступае да работы са сталічнымі футбалістамі. Сёння першы матч пад яго кіраўніцтвам.


Трэнер афіцыйна прадстаўлены ў якасці галоўнага настаўніка, на гэтай пасадзе ён змяніў Сяргея Гурэнку. Нагадаем, на старце чэмпіянату краіны мінскае «Дынама» ў пяці матчах набрала 6 ачкоў, атрымаўшы дзве перамогі і тры паражэнні. Перад стартам першынства клуб «вылецеў» з розыгрышу Кубка краіны.

Леанід Кучук адзначыў, што для яго вялікі гонар узначаліць «Дынама», бо значная частка гісторыі станаўлення аднаго з флагманаў беларускага футбола прайшла на яго вачах. «Ніякіх сумневаў наконт работы ў «Дынама» ў мяне не было. Гэта клуб з вялікімі традыцыямі, якому хутка споўніцца сто гадоў. Бачыў у гульні выдатных спартсменаў, якія здабывалі славу айчыннага футбола. Шмат з кім з іх знаёмы асабіста. «Дынама» — гэта брэнд, які ведаюць і паважаюць ва ўсім футбольным свеце. Калі вы назіралі за маёй трэнерскай кар'ерай, то ведаеце: я рэдка прыходзіў у клуб, дзе быў поспех. Перада мной заўсёды ставілі пэўныя задачы, і я рабіў так, што клуб заставаўся на плаву і займаў высокія месцы. Чэмпіянат у Беларусі толькі пачаўся, так што нічога не страчана». Настаўнік дадаў, што ўзровень чэмпіянату Беларусі па футболе ў параўнанні з нядаўнім мінулым прыкметна вырас. «Мне ёсць з чым параўноўваць, бачыў гульні чэмпіянатаў 12 краін: пачынаючы ад Малдовы і заканчваючы Італіяй. Зараз за падзеямі ў чэмпіянаце Беларусі пільна сочаць ва ўсім свеце, і многія футбалісты мараць стаць яго ўдзельнікамі», — адзначыў Кучук.

Нагадаем, з'яўляючыся гульцом, Леанід Кучук, якому цяпер 60 гадоў, выступаў у «Гомсельмашы», віцебскім КІМе, «Маладзечне», мінскіх «Атацы» і «Дынама-93». Трэнерскую кар'еру пачаў у 1990 годзе. Пад яго кіраўніцтвам ціраспальскі «Шэрыф» шэсць разоў станавіўся чэмпіёнам і па тры разы выйграваў Кубак і Суперкубак Малдовы. Леанід Кучук прывёў маскоўскі «Лакаматыў» да «бронзы» чэмпіянату Расіі. У 2019 годзе ён узначальваў украінскі «Рух» з Львова.

Сёння сталічнае «Дынама» правядзе матч у гасцях у «Смалявічаў».

Дар'я ЛАБАЖЭВІЧ

Загаловак у газеце: У «Дынама» новы галоўны

Выбар рэдакцыі

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.