Вы тут

ПРААН акажа Беларусі дапамогу ў памеры $250 тыс


У краіне робяць усё для мінімізацыі наступстваў пандэміі каранавіруса. Пра гэта заявіла старшыня Савета Рэспублікі Наталля Качанава падчас перагавораў па відэа-канферэнц-сувязі з пастаянным каардынатарам ААН у Беларусі Іаанай Казана-Вішнявецкі.


У анлайн-сустрэчы з беларускага боку таксама ўзялі ўдзел намеснік старшыні Савета Рэспублікі Анатоль Ісачанка і старшыня Пастаяннай камісіі па міжнародных справах і нацыянальнай бяспецы Сяргей Рачкоў.

Фота БЕЛТА.

Наталля Качанава адзначыла, што праграмы і праекты, якія рэалізуюцца па лініі ААН у Беларусі, ахопліваюць практычна ўсе сферы жыцця, у тым ліку барацьбу з распаўсюджваннем каранавіруса.

Раней паведамлялася, што ПРААН запускае новы механізм аператыўнай падтрымкі Беларусі ў барацьбе з COVІD-19 і пераадоленні яго сацыяльна-эканамічных наступстваў. ПРААН аб'яднае намаганні з нацыянальнымі і мясцовымі партнёрамі, міжнароднымі арганізацыямі, агенцтвамі сістэмы ААН, бізнесам і акажа дапамогу ў памеры $250 тыс.

Спікер выказала падзяку за падтрымку і падкрэсліла, што цяпер важна падумаць аб наступствах пандэміі. «Эпідэмія, я ўпэўнена, пройдзе, мы ўсе перажывём яе. Але мы павінны бачыць наступствы для эканомікі ў нашых краінах. Зусім нядаўна Прэзідэнт разглядаў пэўныя меры па падтрымцы і эканомікі краіны, і бізнесу. Першачарговае — гэта, вядома, сістэма аховы здароўя. Але мы стараемся зрабіць усё, каб мінімізаваць страты, з якімі выйдзе наша краіна пасля гэтай сітуацыі», — заявіла старшыня Савета Рэспублікі.

Яна падкрэсліла: кіраўніцтва краіны прымае ўсе неабходныя меры для таго, каб адэкватна рэагаваць на наяўную сітуацыю. «Я рэгулярна бываю ў Міністэрстве аховы здароўя, дзе мы ў рэжыме відэаканферэнцыі праводзім планёркі з усімі галоўнымі ўрачамі Мінска, каб хутка і аператыўна вырашаць тыя пытанні, якія сёння ўзнікаюць. Мы стараемся, каб усе меры, якія звязаны з пандэміяй, былі эфектыўныя і давалі вынік. Самае галоўнае — захаваць жыцці нашых людзей і абараніць медыкаў», — сказала Наталля Качанава.

Старшыня Савета Рэспублікі таксама нагадала, што нядаўна ў Беларусь прыязджалі эксперты Сусветнай арганізацыі аховы здароўя. Яны ўхвалілі меры, што прымаюцца ў краіне па барацьбе з COVІD-19.

Асобна спікер закранула супрацоўніцтва Беларусі і ПРААН у галіне ўстойлівага развіцця. «Я проста ўпэўненая, што ў нас з вамі будуць складвацца цудоўныя адносіны пры вырашэнні гэтых задач і рэалізацыі праграм, якія запланаваны ў рамках Мэт устойлівага развіцця», — дадала Наталля Качанава.

Па матэрыялах БелТА

Загаловак у газеце: Перагаворы — па відэасувязі

Выбар рэдакцыі

Грамадства

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Маленькі прынц у аднайменнай казцы кожны дзень пачынаў з таго, што прыводзіў у парадак сваю планету. 

Калейдаскоп

Вясёлыя гісторыі чытачоў

Вясёлыя гісторыі чытачоў

Чым бы дзіця ні цешылася, абы не плакала. Пажадана, каб нікога да слёз не даводзіла. Але ж бывае па-іншаму.

Грамадства

«Дзякуй за вашу працу! Вы — героі на ўсе часы!» Як працуюць з COVІD-пацыентамі дзіцячыя ўрачы

«Дзякуй за вашу працу! Вы — героі на ўсе часы!» Як працуюць з COVІD-пацыентамі дзіцячыя ўрачы

Работа дзіцячых паліклінік, гэтак жа як і дарослых, змянілася з-за распаўсюджвання каранавіруснай інфекцыі.

Грамадства

Уступленне ў дарослае жыццё — як выхад у космас

Уступленне ў дарослае жыццё — як выхад у космас

Псiхолаг тлумачыць, чаму паўза пасля заканчэння школы — не трагедыя.