Віншаванне Прэзідэнта з Вялікаднем

Праваслаўным хрысціянам Беларусі

Дарагія суайчыннікі!

Ад усяго сэрца віншую вас з Уваскрэсеннем Хрыстовым.

Свята Вялікадня — крыніца вялікай радасці і духоўнай сілы. Яно сцвярджае каштоўнасць чалавечага жыцця, умацоўвае веру ў любоў і справядлівасць.

Хрысціянства стагоддзямі выхоўвала ў людзях найлепшыя якасці — міласэрнасць, спагаду і самаадданае служэнне бліжняму.

Праваслаўныя традыцыі і сёння з'яўляюцца маральнай асновай беларускага народа, заўсёды гатовага працягнуць руку дапамогі тым, хто мае патрэбу, незалежна ад рэлігіі і нацыянальнасці. Таму што сапраўдная вера немагчымая без добрых спраў.

Няхай светлыя велікодныя дні прынясуць мір і згоду ў вашы сем'і. Жадаю ўсім здароўя, шчасця і дабрабыту.

Прэзідэнт Рэспублікі Беларусь

Аляксандр Лукашэнка