Рэспубліканскі суботнік пройдзе 25 красавіка. Такое рашэнне прынята пастановай Савета Міністраў ад 16 красавіка 2020 года № 233, паведамляе БЕЛТА са спасылкай на Нацыянальны прававы інтэрнэт-партал.
У гэты дзень рэспубліканскія органы дзяржкіравання і іншыя дзяржарганізацыі, падпарадкаваныя ўраду, мясцовыя органы ўлады, іншыя арганізацыі на добраахвотнай аснове могуць правесці суботнік на працоўных месцах або добраўпарадкаваць гісторыка-культурныя каштоўнасці, тэрыторыі населеных пунктаў, падрыхтаваць дзіцячыя аздараўленчыя і спартыўна-аздараўленчыя лагеры да летняга сезона . Удзел у суботніку прымуць і кіраўнікі дзяржорганаў.
Заробленыя ў гэты дзень сродкі пералічваюцца праз раённыя і гарадскія выканкамы ў аблвыканкамы і Мінскі гарвыканкам.
Што тычыцца далейшага размеркавання пералічаных сродкаў, то 50% застаюцца ў распараджэнні аблвыканкамаў і Мінскага гарвыканкама. Яны накіроўваюцца на падрыхтоўку дзіцячых лагераў да лета, добраўпарадкаванне населеных пунктаў, а таксама аднаўленне гісторыка-культурных каштоўнасцяў, мемарыяльных комплексаў, месцаў баявой і воінскай славы часоў Вялікай Айчыннай вайны.
Яшчэ 50% сродкаў аблвыканкамы і Мінскі гарвыканкам пералічваюць Міністэрству фінансаў. Гэтыя сродкі ў роўных долях накіроўваюцца Нацыянальнаму мастацкаму музею і Гомельскаму аблвыканкаму для рэканструкцыі братняга пахавання на месцы спаленай вёскі Ола ў Светлагорскім раёне.
Пры ўдзеле ў суботніку некамерцыйных арганізацый грашовыя сродкі могуць пералічвацца ў памерах, вызначаных добраахвотна іх калектывамі.
Працоўную групу па падрыхтоўцы і правядзенні рэспубліканскага суботніка ўзначаліў намеснік прэм’ер-міністра Уладзімір Кухараў.
Прэв'ю: kubnews.ru
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
