Вы тут

Музей архітэктуры і побыту зладзіць дыстанцыйную экскурсію


16 красавіка Беларускі дзяржаўны музей народнай архітэктуры і побыту, што ў Азярцы пад Мінскам, правядзе для наведвальнікаў сваю першую анлайн-экскурсію. 


Бадай, самы вядомы айчынны скансэн — гэта тып музея пад адкрытым небам — быў створаны ў 1976 годзе. У ім захоўваюцца і дэманструюцца помнікі народнай драўлянай архітэктуры, прадметы побыту, рамёстваў і промыслаў — больш 25 ўзораў унікальнага драўлянага дойлідства і звыш 30 прадметных калекцый, якія сабраны ў шматгадовых экспедыцыях па розных рэгіёнах і дэманструюць рэгіянальныя і лакальныя асаблівасці культуры і побыту беларусаў.

«Зараз анлайн-экскурсіі становяцца неад’емнай часткай работы культурных устаноў, — адзначаюць у аддзеле маркетынгу музея. — Таму і мы падрыхтавалі відэа па адным з рэгіёнаў Беларусі — сектару «Падняпроўе». У прыватнасці, экскурсавод, у ролі якога выступіць вядучы навуковы супрацоўнік музея Аляксей Друпаў, распавядзе гісторыю млына з Хоцімскага раёна і найстарэйшага помніку ў скансэне — царквы 1704 года з вёскі Барань, раскажа пра рамяство беларускіх бортнікаў і шапавалаў і пакажа тыповыя інтэр’еры сялянскіх хацін. Прэм’ера экскурсіі на YouTube-канале музея  — 16 красавіка а 19 гадзіне, віртуальнае падарожжа працягнецца каля 30 хвілін. 

Дарэчы, наступнай экскурсіяй, як плануюць супрацоўнікі музея, стане віртуальны візіт на Астравеччыну і больш блізкае знаёмства з матэрыяльнай і духоўнай спадчынай гэтага рэігёна.

Вікторыя ЦЕЛЯШУК

Фота: сацыяльныя сеткі музея

Выбар рэдакцыі

Грамадства

Андрэй Худык: Неабходная мабілізацыя ўсіх узроўняў улады, грамадства і бізнесу для сумесных дзеянняў па ахове прыроды

Андрэй Худык: Неабходная мабілізацыя ўсіх узроўняў улады, грамадства і бізнесу для сумесных дзеянняў па ахове прыроды

Ад таго, наколькі беражліва людзі ставяцца да прыроды, залежыць якасць іх жыцця, здароўе і нават дабрабыт. 

Грамадства

У зоне павышанай небяспекі. Як працуе выбуховатэхнічны цэнтр унутраных войскаў МУС

У зоне павышанай небяспекі. Як працуе выбуховатэхнічны цэнтр унутраных войскаў МУС

Пра асаблівасці работы мы пагутарылі з намеснікам начальніка ўстановы Максімам Кулем.

Грамадства

Стаўленне «выкарыстаў — выкiнуў» трэба мяняць на «адсарцiраваў — перапрацаваў»

Стаўленне «выкарыстаў — выкiнуў» трэба мяняць на «адсарцiраваў — перапрацаваў»

Пахаванне адходаў — самы просты i танны спосаб пазбавiцца ад iх, аднак ён шкодзiць наваколлю i здароўю чалавека.

Грамадства

Новы кантэнт для лета. Чым заняць дзяцей на 92 днi

Новы кантэнт для лета. Чым заняць дзяцей на 92 днi

У перыяд летніх канікулаў для школьнiкаў i студэнтаў падрыхтаваны розныя цiкавыя мерапрыемствы, у тым лiку шмат з iх — анлайн.