21 верасня, панядзелак

Вы тут

Прапрацоўваецца пытанне стварэння адзінай платформы для дыстанцыйнага навучання


Сёння міністр адукацыі Ігар Карпенка правёў рабочую анлайн-нараду з рэктарамі ВНУ і начальнікамі галоўных упраўленняў па адукацыі аблвыканкамаў і старшынёй камітэта па адукацыі Мінгарвыканкама. Аб гэтым паведаміла прэс-служба ведамства.


Кіраўнікі былі праінфармаваныя, што ў існуючых умовах неабходна забяспечыць сістэмны кантроль за якасцю навучання і выкананнем даручэнняў у адпаведнасці з рэкамендацыямі Міністэрства аховы здароўя па прафілактыцы інфекцыі COVID-19. Трэба праводзіць неабходную інфармацыйна-тлумачальную працу з навучэнцамі і іх законнымі прадстаўнікамі.

Прымаючы рашэнне аб прымяненні ў адукацыйным працэсе кіраванай самастойнай працы, інфармацыйна-камунікацыйных тэхналогій, індывідуальных планаў, неабходна ўлічваць сітуацыю, якая склалася ў рэгіёне і ў канкрэтнай установе адукацыі.

Для рэалізацыі ва ўстановах адукацыі адзіных падыходаў да ажыццяўлення індывідуальнага плана навучання Міністэрствам адукацыі распрацаваны алгарытм арганізацыі адукацыйнага працэсу з ужываннем інфармацыйна-камунікацыйных тэхналогій.

Разам з тым, кіраўнікам устаноў адукацыі неабходна прапрацаваць магчымасці арганізацыі дыстанцыйнай працы работнікаў, якія адносяцца да катэгорыі рызыкі.

Установы адукацыі павінны выкарыстоўваць цяперашнюю сітуацыю для далейшага развіцця і ўдасканалення дыстанцыйнага навучання. Пытанне аб адзінай платформе для ўстаноў агульнай сярэдняй адукацыі ўжо прапрацоўваецца.

Як ужо паведамлялася раней, тэрміны вясенніх канікул у беларускіх школах падаўжаюцца яшчэ на 6 дзён: з 13 па 18 красавіка ўключна. У сувязі з падаўжэннем вясенніх школьных канікул працягнуць працу і прышкольныя лагеры. Яны будуць функцыянаваць па заяўным прынцыпе з правядзеннем усіх неабходных санітарна-эпідэмічных мерапрыемстваў. Таксама будуць працаваць аб'яднанні па інтарэсах. Сумесна з Нацыянальным інстытутам адукацыі для школьнікаў распрацаваны інтэрактыўныя праграмы па асобных прадметах за кошт падтрымліваючых і стымулюючых заняткаў.

Акрамя таго, цяпер распрацоўваецца каляндарна-тэматычнае планаванне (карэкціроўка навучальнага плана) па прадметах у сувязі з працягам канікул. Навучальны год падаўжаць не плануецца. Ён завершыцца 30 мая.

Надзея НІКАЛАЕВА

Прэв'ю: alev.biz

Выбар рэдакцыі

Культура

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

Пра калег — настаўнiкаў, старэйшых таварышаў, паплечнiкаў распавядае доктар педагагiчных навук, прафесар матэматыкi, заслужаны дзеяч навукi Рэспублiкi Беларусь.

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.