РУП "Белфармацыя" вызначана як адзіны аператар па рэалізацыі ахоўных вырабаў, у тым ліку медыцынскіх масак. Пра гэта паведамілі ў прэс-службе канцэрна "Беллегпрам", перадае БЕЛТА.
Дадзенае рашэнне, распавялі ў канцэрне, было прынята ўрадам і накіравана на тое, каб забяспечыць празрыстасць паставак і адгрузак і вырашыць пытанне завышэння коштаў. Зараз "Белфармацыя" будзе курыраваць пастаўкі масак і ўсяго асартыменту ахоўных вырабаў у аптэчныя сеткі ўсіх формаў уласнасці.
Што тычыцца вырабаў для медперсаналу, яны будуць адгружаць УП "Белмедтэхніка".
У "Беллегпраме" адзначылі, што на сёння ахоўныя маскі вырабляе ўжо больш за 50 прадпрыемстваў краіны і пастаянна паступаюць новыя прапановы па вытворчасці, на прадпрыемствах нарошчваюцца магутнасці, гэта значыць аб'ёмы можна яшчэ павялічыць.
"Першачарговая задача - забяспечыць медыцынскімі маскамі персанал устаноў аховы здароўя. Да канца тыдня плануем выйсці на лічбу ў 1 млн масак, а да канца наступнага - 2 млн", - заявілі ў канцэрне.
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.