Вы тут

У Віцебскай вобласці працягваецца работа па пошуку прозвiшчаў безыменных герояў


Старшыня Вiцебскага абласнога Савета дэпутатаў Уладз Цярэнцьеў абмеркаваў па вiдэасувязi ход падрыхтоўкi да святкавання 75-й гадавiны Вялiкай Перамогi са старшынямi райсаветаў  i кiраўнiкамi мясцовай улады.


Па яго словах, усе ветэраны Вялiкай Айчыннай вайны забяспечаны жыллём, рэгулярна праходзяць медыцынскае абследаванне, iм аказваецца розная дапамога. Традыцыйна ветэранам дапамагаюць шэфскiя арганiзацыi, прадпрыемствы, бiзнес-структуры. Напрыклад, iм дораць мабiльныя тэлефоны, пажарныя апавяшчальнiкi, прыносяць бясплатныя прадуктовыя наборы.

Уладзiмiр Цярэнцьеў адзначыў, што ў рэгiёне працягваецца карпатлiвая работа па пошуку прозвiшчаў безыменных герояў, якiя сышлi ў вечнасць на тэрыторыi Вiцебшчыны. Гэтым актыўна займаюцца пошукавiкi, музейныя работнiкi, нават вучнi школ пад кiраўнiцтвам настаўнiкаў.

Дарэчы, менавiта ў паўночнай вобласцi знаходзяцца воiнскiя могiлкi з самай вялiкай колькасцю пахаваных. Напрыклад, пад Вiцебскам толькi ў адной брацкай магiле ляжыць 17 тысяч чалавек. Таму падтрыманне парадку на месцах воiнскiх пахаванняў, рамонт мемарыялаў, абелiскаў, стэл — заўсёды актуальная задача. Традыцыйна ў гэтых лакацыях праводзяцца суботнiкi. Вельмi маштабныя работы адбылiся летась, калi святкаваўся юбiлей вызвалення Беларусi. Але, зразумела, штогадовы касметычны дробны рамонт — таксама неабходнасць.

У абласны i раённыя Саветы дэпутатаў паступаюць прапановы назваць у гонар герояў вайны вулiцы, школы, iншыя навучальныя ўстановы. Напрыклад, новай школе ў Вiцебску прапанавана прысвоiць iмя генерала армii Яўгена Iваноўскага.

Нагадаем, Яўген Пiлiпавiч Iваноўскi — легендарная асоба. Славуты савецкi ваеначальнiк, у свой час галоўнакамандуючы сухапутных войск СССР, Герой Савецкага Саюза, ён нарадзiўся ў 1918 годзе на тэрыторыi сучаснай Вiцебшчыны.
Воiнскую службу скончыў на пасадзе намеснiка мiнiстра абароны СССР.

Аляксандр ПУКШАНСКІ

Прэв'ю: Эксмо

Загаловак у газеце: Рыхтуемся да юбiлею

Выбар рэдакцыі

Грамадства

Балерына Юлiя Дзятко: Дзецi кар'еры не перашкода, калi i работа любiмая, i дзецi жаданыя

Балерына Юлiя Дзятко: Дзецi кар'еры не перашкода, калi i работа любiмая, i дзецi жаданыя

Яны пазнаёмiлiся ў 10-гадовым узросце ў харэаграфiчным вучылiшчы i з таго часу не расстаюцца.

Грамадства

Не атрымалася паехаць на мора? Займiцеся складаннем радаводу!

Не атрымалася паехаць на мора? Займiцеся складаннем радаводу!

Колькасць людзей, якiя спрабуюць адшукаць свае каранi, з кожным годам павялiчваецца. 

Грамадства

Першая дапамога дзецям пры траўмах. Што трэба ведаць?

Першая дапамога дзецям пры траўмах. Што трэба ведаць?

​Дастаткова часта дзецi трапляюць у крытычныя сiтуацыi праз сваю цiкаўнасць i павышаную актыўнасць.