Вы тут

У Беларусі распрацоўваюць слоўнік моладзевага інтэрнэт-слэнгу


У Беларусі спецыялісты распрацоўваюць для школ слоўнік моладзевага слэнгу ў інтэрнэце. Пра гэта падчас круглага стала "Прафілактыка наркаманіі ў моладзевым асяроддзі" ў прэс-цэнтры БЕЛТА паведаміў начальнік аддзела арганізацыі працы інспекцый па справах непаўналетніх упраўлення прафілактыкі галоўнага ўпраўлення аховы правапарадку і прафілактыкі міліцыі грамадскай бяспекі МУС Сяргей Янкоўскі.


Па словах Сяргея Янкоўскага, праваахоўныя органы і ўстановы адукацыі цесна ўзаемадзейнічаюць у прафілактыцы злачыннасці сярод дзяцей і падлеткаў. Праводзяцца сумесныя мерапрыемствы, міліцыя распрацоўвае комплексна-метадычныя рэкамендацыі, якія затым могуць выкарыстоўваць педагогі. "Зараз мы працуем над слоўнікам слэнгу тэрмінаў, якія ўжываюць непаўналетнія ў Сетцы", - распавёў прадстаўнік МУС. Слоўнік таксама накіруюць у школы. Разлік зроблены на тое, каб розныя пакаленні лепш разумелі адзін аднаго.

Інспекцыі па справах непаўналетніх улічваюць тое, што сучасныя дзеці даўно сышлі з вуліц у гандлёвыя цэнтры і іншыя месцы, дзе ёсць бясплатны wi-fi, адзначыў Сяргей Янкоўскі. Праца з падлеткамі ідзе праз сацсеткі, да іх імкнуцца даносіць інфармацыю пра негатыўныя наступствы ўжывання наркотыкаў, аб адказнасці за правапарушэнні, звязаныя з іх незаконным абаротам. У такім жа ключы вядзецца прафілактыка іншых злачынстваў. "Ёсць дзеці, якія не разумеюць, што здзяйсняюць нешта дрэннае. Асабліва гэта тычыцца злачынстваў, звязаных з інтэрнэтам, крадзяжоў з дапамогай камп'ютарнай тэхнікі, унясення нейкіх дадзеных на старонкі сваіх сяброў у сацыяльных сетках. Дзіця пажартавала, але гэты жарт ўжо адлюстраваны на старонках КК", - канстатаваў спецыяліст.

Выбар рэдакцыі

Грамадства

Стаўленне «выкарыстаў — выкiнуў» трэба мяняць на «адсарцiраваў — перапрацаваў»

Стаўленне «выкарыстаў — выкiнуў» трэба мяняць на «адсарцiраваў — перапрацаваў»

Пахаванне адходаў — самы просты i танны спосаб пазбавiцца ад iх, аднак ён шкодзiць наваколлю i здароўю чалавека.

Грамадства

Новы кантэнт для лета. Чым заняць дзяцей на 92 днi

Новы кантэнт для лета. Чым заняць дзяцей на 92 днi

У перыяд летніх канікулаў для школьнiкаў i студэнтаў падрыхтаваны розныя цiкавыя мерапрыемствы, у тым лiку шмат з iх — анлайн. 

Грамадства

З першых вуснаў: ад чаго трэба абараняць дзяцей? Адказваюць самі малыя

З першых вуснаў: ад чаго трэба абараняць дзяцей? Адказваюць самі малыя

Дзеці «звяздоўцаў» адказалі вусна, пісьмова, друкавана і нават у малюнках.