Міжнародныя рэзервовыя актывы Рэспублікі Беларусь на 1 красавіка 2020 года, паводле папярэдніх звестак, склалі 7 786,5 млн долараў ЗША (у эквіваленце), паведамляе Нацбанк.
За сакавік 2020 года золатавалютныя рэзервы знізіліся на 1 018,4 млн долараў ЗША (на 11,6 працэнта) пасля зніжэння ў лютым на 438,2 млн долараў ЗША (на 4,7 працэнта).
Зніжэнне ўзроўню міжнародных рэзервовых актываў па выніках сакавіка ў асноўным абумоўлена продажам Нацыянальным банкам замежнай валюты на таргах ААТ "Беларуская валютна-фондавая біржа", а таксама планавым пагашэннем Урадам і Нацыянальным банкам Рэспублікі Беларусь знешніх і ўнутраных абавязацельстваў у замежнай валюце на агульную суму 226,5 млн долараў ЗША.
Падтрыманню ўзроўню золатавалютных рэзерваў у сакавіку спрыялі паступленне замежнай валюты ў бюджэт, а таксама паступленне сродкаў ад продажу аблігацый Міністэрства фінансаў, намінiраваных у замежнай валюце.
Згодна з Асноўнымі напрамкамі грашова-крэдытнай палітыкі на 2020 год аб'ём міжнародных рэзервовых актываў на 1 студзеня 2021 г. павінен скласці не менш за 7,3 млрд долараў ЗША.
Прэв'ю: Global Look Press
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
