Вы тут

У НАН выйшла кніга "Балота Дзікае" – пра ўнікальны аб’ект запаведнага фонду


Гэта першае выданне з серыі пра Рамсарскія тэрыторыі Беларусі. У яе аснову  пакладзены нацыянальны Рамсарскі спіс з 26 водна-балотных угоддзяў, якія маюць міжнароднае значэнне.


У выданні прадстаўлены арыгінальныя матэрыялы навукоўцаў НАН Беларусі, атрыманыя ў ходзе шматгадовых палявых даследаванняў балотнага масіва і прылеглых тэрыторый. Балота Дзікае - трэцяе па памеры балота ў Беларусі і адно з найбольш унікальных аб'ектаў запаведнага фонду краіны. Яно ўваходзіць у склад Нацыянальнага парка “Белавежская пушча”. Тэрыторыя вельмі важная для рассялення птушак і мае міжнароднае значэнне. Там гняздуюцца 140 відаў, 39 % з іх маюць міжнародны ці нацыянальны статус аховы.

У кнізе прыведзены падрабязныя дадзеныя аб клімаце, рэльефе, гідралогіі і гідраграфіі, ​​ландшафтах асабліва ахоўнай прыроднай тэрыторыі. Дадзена апісанне флоры, фауны, расліннасці і біятопаў, складзеныя спісы рэдкіх і ахоўных відаў раслін і жывёл. Прадстаўлены звесткі аб гісторыка-культурнай спадчыне, рэкрэацыйным і сацыяльна-эканамічным патэнцыяле раёна размяшчэння асабліва ахоўнай прыроднай тэрыторыі. Кніга ілюстравана арыгінальнымі аўтарскімі і архіўнымі фотаздымкамі, малюнкамі, схемамі. У кнізе “Балота Дзікае”  упершыню публікуюцца буйнамаштабныя тэматычныя карты: глеб, ландшафтаў, расліннасці, біятопаў, сучаснага стану расліннага покрыва, біялагічных рэсурсаў, дынамікі экасістэм і іншыя.

Кніга “Балота Дзікае” падрыхтавана калектывам аўтараў пад агульнай рэдакцыяй намесніка дырэктара Інстытута эксперыментальнай батанікі імя. В.Ф.Купрэвіча НАН Беларусі Дзмітрыя Грумо. Яна выйшла выйшла пры падтрымцы Грамадскага  аб’яднання “Ахова птушак Бацькаўшчыны" і Франкфурцкага заалагічнага таварыства.

Выданне ўяўляе цікавасць для вучоных (біёлагаў, географаў, эколагаў), выкладчыкаў і студэнтаў ВНУ, настаўнікаў школ, супрацоўнікаў прыродаахоўных устаноў, краязнаўцаў і ўсіх аматараў прыроды.

* Рамсарскія тэрыторыі Беларусі - водна-балотныя ўгоддзі міжнароднага значэння, што ахоўваюцца згодна Рамсарскай канвенцыі.

Надзея НІКАЛАЕВА

Фота Наталлі Лубнеўскай

Выбар рэдакцыі

Грамадства

Валанцёры супраць каранавіруса: адзін дзень з жыцця мінскага хаба ByCovid19

Валанцёры супраць каранавіруса: адзін дзень з жыцця мінскага хаба ByCovid19

Запушчаная кампанія па дапамозе медыкам ByCovid19 перарасла ў буйны «антыкаранавірусны» рух.

Культура

Кіназнаўца Мiкалай Iзволаў: На маёй памяцi адкрыццё такога маштабу здарылася ўпершыню

Кіназнаўца Мiкалай Iзволаў: На маёй памяцi адкрыццё такога маштабу здарылася ўпершыню

Гэта была сенсацыя: у 2018 годзе быў паказаны страчаны фiльм Дзiгi Вертава.

Грамадства

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Маленькі прынц у аднайменнай казцы кожны дзень пачынаў з таго, што прыводзіў у парадак сваю планету. 

Калейдаскоп

Вясёлыя гісторыі чытачоў

Вясёлыя гісторыі чытачоў

Чым бы дзіця ні цешылася, абы не плакала. Пажадана, каб нікога да слёз не даводзіла. Але ж бывае па-іншаму.