Вы тут

Новы гістарычны атлас з'явіцца ў Беларусі


РУП "Белкартаграфія" падрыхтавала і аддало ў друк "Гістарычны атлас Беларусі", паведамілі БЕЛТА ў прэс-службе Дзяржаўнага камітэта па маёмасці.


Атлас распрацаваны на аснове чатырохтомнага выдання "Вялікі гістарычны атлас Беларусі" (2009-2018). "З моманту выдання яго першага тома прайшло больш за 10 гадоў. За гэты час гістарычная навука ўзбагацілася новымі дадзенымі і знаходкамі, якія дазволілі ўдакладніць даволі значныя вехі ў нашай гісторыі. Усё гэта знайшло адлюстраванне на старонках новага творы", - адзначылі ў прэс-службе.

Стваральнікі пастараліся найбольш поўна паказаць гістарычнае мінулае - ад з'яўлення першага чалавека на беларускіх землях да цяперашняга часу. У кожнай з чатырох частак атласа паказаная сацыяльна-эканамічная эвалюцыя грамадства, яго палітычная і ваенная гісторыя, этнічныя працэсы, станаўленне і развіццё рэлігійных адносін.

Першая частка ахоплівае перыяд ад з'яўлення першых людзей на тэрыторыі Беларусі да сярэдзіны XVI стагоддзя, калі ў выніку Люблінскай уніі (1569 г.) Вялікае княства Літоўскае ўвайшло ў склад Рэчы Паспалітай. Другая частка атласа адлюстроўвае перыяд з моманту ўтварэння Рэчы Паспалітай да спынення існавання гэтай дзяржавы ў 1795 годзе. Трэцяя частка прысвечана перыяду знаходжання беларускіх зямель у складзе Расійскай імперыі з 1772 года да пачатку 1917 года. У чацвёртай частцы паказаны шлях станаўлення і развіцця беларускай нацыянальнай дзяржаўнасці ў ХХ - пачатку ХХІ стагоддзя.

Аб'ём атласа - 336 старонак. Мова выдання - беларуская. Першы тыраж складзе 1000 асобнікаў.

Выбар рэдакцыі

Грамадства

Валанцёры супраць каранавіруса: адзін дзень з жыцця мінскага хаба ByCovid19

Валанцёры супраць каранавіруса: адзін дзень з жыцця мінскага хаба ByCovid19

Запушчаная кампанія па дапамозе медыкам ByCovid19 перарасла ў буйны «антыкаранавірусны» рух.

Культура

Кіназнаўца Мiкалай Iзволаў: На маёй памяцi адкрыццё такога маштабу здарылася ўпершыню

Кіназнаўца Мiкалай Iзволаў: На маёй памяцi адкрыццё такога маштабу здарылася ўпершыню

Гэта была сенсацыя: у 2018 годзе быў паказаны страчаны фiльм Дзiгi Вертава.

Грамадства

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Маленькі прынц у аднайменнай казцы кожны дзень пачынаў з таго, што прыводзіў у парадак сваю планету. 

Калейдаскоп

Вясёлыя гісторыі чытачоў

Вясёлыя гісторыі чытачоў

Чым бы дзіця ні цешылася, абы не плакала. Пажадана, каб нікога да слёз не даводзіла. Але ж бывае па-іншаму.