Вы тут

На другі энергаблок АЭС падалі напружанне


Пачатак падачы напружання па штатнай схеме — ключавая з'ява на этапе стварэння кожнага атамнага блока. Пад напружанне на ўласныя патрэбы была пастаўлена першая секцыя 10 кВ энергаблока № 2 Беларускай АЭС.


Цягам першых 72 гадзін бесперапыннай тэставай эксплуатацыі спецыялісты правераць працаздольнасць усіх чатырох секцый 10 кВ сістэмы электразабеспячэння нармальнай эксплуатацыі. Пасля пацвярджэння іх адпаведнасці праектным характарыстыкам электраэнергію ад гэтага абсталявання можна будзе падаваць на іншыя аб'екты блока.

— Падключаць энергаблок, які будуецца, да штатнай схемы энергазабеспячэння будуць паэтапна, — растлумачыў Аляксей КАНАНЕНКА, дырэктар па будаўніцтве Беларускай АЭС ІК «АСЭ». — Спачатку напружанне атрымаюць сістэмы электразабеспячэння нармальнай эксплуатацыі, затым яго размяркуюць па сістэмах электразабеспячэння каналаў сістэм бяспекі і далей на спажыўцы рэактарнага аддзялення, машыннай залы і іншых аб'ектаў.

Забеспячэнне блока электраэнергіяй дазволіць перайсці да поўнамаштабных пусканаладачных работ.

— Правільна спланаваная праграма паэтапнай падачы напружання дасць магчымасць развярнуць пусканаладачныя работы на тэхналагічных сістэмах і абсталяванні і забяспечыць гатоўнасць блока да этапу гідраўлічных выпрабаванняў і цыркуляцыйнай прамыўкі, — дадаў Віталь ПАЛЯНІН, віцэ-прэзідэнт ІК «АСЭ», кіраўнік праекта стварэння Беларускай АЭС. — Ён запланаваны на канец гэтага года.

Ірына СІДАРОК

Выбар рэдакцыі

Спорт

Замена Алімпіядзе. Беларуская лёгкаатлетычная

Замена Алімпіядзе. Беларуская лёгкаатлетычная

Беларуская федэрацыя лёгкай атлетыкі зладзіла свае гульні.

Грамадства

Без чаргі і за лічаныя хвіліны. Як здаюць экспрэс-тэст на каранавірус

Без чаргі і за лічаныя хвіліны. Як здаюць экспрэс-тэст на каранавірус

З мінулага тыдня экспрэс-тэсціраванне на COVІD-19 даступнае ў многіх паліклініках краіны, у тым ліку і ў невялікіх гарадках і пасёлках гарадскога тыпу.

Палітыка

Лукашэнка даручыў аказаць падтрымку выбаркамам і паклапаціцца аб забеспячэнні бяспекі іх працы

Лукашэнка даручыў аказаць падтрымку выбаркамам і паклапаціцца аб забеспячэнні бяспекі іх працы

Пра гэта ён заявіў сёння на рабочай сустрэчы з Наталляй Качанавай і Віктарам Шэйманам.