У офіс Асацыяцыі "Беларуская федэрацыя футбола" паступіла хадайніцтва ад футбольнага клуба "Віцебск", які ў нядзелю, 5 красавіка, на сваім полі павінен быў прыняць ФК "Смалявічы" ў рамках 3-га тура Вышэйшай лігі. У тэксце дакумента фіналісты Кубка краіны-2019 звярнуліся з просьбай правесці названы паядынак і матч дублюючых складаў на стадыёне ФК "Смалявічы", а матчы 18-га тура ў Віцебску, паведамляе афіцыйны сайт АБФФ.
Ініцыятыву пераносу сустрэчы "паўночнікі" абгрунтавалі складанымі ўмовамі надвор'я апошніх дзён і мінусовай сярэднясутачнай тэмпературай, з-за чаго стан поля з натуральным пакрыццём выклікаў у прымаючага боку вялікую асцярогу. З прычыны чаго ў АБФФ і было накіравана хадайніцтва.
Бюро выканкама Асацыяцыі вывучыла аргументы прадстаўнікоў ФК "Віцебск", звярнулася за дадатковымі кансультацыямі да клубаў-удзельнікаў паядынку і, вывучыўшы аргументы бакоў, ухваліла хадайніцтва.
Такім чынам матч 3-га тура Вышэйшай лігі "Смалявічы" - "Віцебск" пройдзе ў нядзелю, 5 сакавіка, на стадыёне "Гарадскі" ў горадзе Барысаве і стартуе ў 16:00. Матч 18-га тура пройдзе ў Віцебску.
Першапачаткова меркавалася, што перанос адбудзецца праз неспрыяльнае эпідэміялагічнае становішча ў Віцебску.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
