У Мінску ўведзены абмежаванні на праезд цяжкавагавых і буйнагабарытных транспартных сродкаў

Дадзеныя абмежаванні ўведзены ў сталіцы на падставе праведзенага камунальным рамонтна-эксплуатацыйным унітарным прадпрыемствам “Гораўтамост” аналізам маставых збудаванняў вулічна-дарожнай сеткі Мінска. Пра гэта паведамляе аддзяленне па агітацыі і прапагандзе ДАІ ГУУС Мінгарвыканкама.

Шэраг абмежаванняў па вагавых параметрах на праезд цяжкавагавых і буйнагабарытных транспартных сродкаў уведзены на наступных участках:

Заводскі раён

• пуцеправод па вуліцы Пляханава праз праспект Партызанскі (22 т)
• мост праз раку Свіслач па вуліцы Галадзеда (забарона руху грузавых аўтамабіляў па другіх палосах)

Маскоўскі раён

• пуцеправод па праспекту Жукова праз вуліцу Чыгуначную (20 т)
• пуцеправод па праспекту Жукова праз вуліцу К. Либкнехта (25 т)

Кастрычніцкі раён

• пуцеправод з вуліцы Маскоўская на вуліцу Чкалава (25 т)
• пуцеправод (левы, правы) праз чыгуначную станцыю Мінск-Сартавальны па вуліцу 2-е кальцо (20 т)

Партызанскі раён

• пуцеправод па вуліцы Даўгабродская праз вуліцу Ванеева (20 т і забарона руху грузавых аўтамабіляў па другіх палосах)
• пуцеправод праз чыгунку Мінск — Масква па вуліцы Даўгабродская (забарона руху грузавых аўтамабіляў па другіх палосах)

Цэнтральны раён

• пуцеправод па вуліцы Арлоўская праз праспект Пераможцаў (18 т)

МКАД

• пуцеправод на 18,671 км (праз чыгунку Мінск — Гомель) (10 т)
• пуцеправод на 25,013 км (праз аўтадарогу Мінск — Дзяржынск) (20 т толькі па левым пуцеправодзе (вонкавае кальцо)
• пуцеправод на 39,585 км (транспартная развязка — Пераможцаў) (10 т толькі па левым пуцеправодзе (вонкавае кальцо)

Сталічнай Дзяржаўтаінспекцыяй вядзецца нагляд за дарожным рухам, ён скіраваны на выяўленне і спыненне парушэнняў з боку кіроўцаў цяжкавагавых і буйнагабарытных транспартных сродкаў пры праездзе імі аўтамабільных мастоў і пуцеправодаў, на якіх устаноўлены адпаведныя абмежаванні па грузападымальнасці.

Сяргей РАСОЛЬКА