Тры сталічных кінатэатра "Кастрычнік", "Масква" і "Дом кіно" з 2 красавіка часова спыняюць кінапаказы. Пра гэта паведаміла намеснік генеральнага дырэктара па развіцці, інфармацыі і рэкламе УП "Кінавідэапракат" Мінгарвыканкама Кацярына Багданава, піша БелТА.
"Кастрычнік", "Масква" і "Дом кіно" - найбуйнейшыя адназальныя кінатэатры краіны. Аднаразовая арганізацыя некалькіх кінасеансаў тут немагчымая. Адмяніць паказ фільмаў вырашылі з-за эканамічнай мэтазгоднасці, паколькі ў апошні час знізілася колькасць наведвальнікаў кінатэатраў. "Калі з-за сітуацыі ў свеце кінастудыі пераносяць буйныя рэлізы на больш позні тэрмін, праца буйных однозальных кінатэатраў становіцца эканамічна нявыгаднай", - сказала Кацярына Багданава.
Мінчанам варта мець на ўвазе, што ў 10 іншых кінатэатрах сеткі "КіноМінска" працягнуць трансляваць фільмы. Пакуль невядома, калі будуць адноўлены кінапаказы ў адназальніках сталіцы. Як адзначыла намеснік генеральнага дырэктара, гэта можа быць абумоўлена выхадам буйных рэлізаў.
Прэв'ю: БелТА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
