Вы тут

Вярнуць грошы за пакупкі можна будзе праз АРІП


У цяперашні час з-за неспрыяльнай эпідэміялагічнай абстаноўкі многія арганізацыі гандлю і сэрвісу вымушаны вяртаць грашовыя сродкі за аплачаныя раней тавары, якія так і не былі дастаўлены кліентам, і паслугі, якія так і не былі аказаны.


У сувязі з гэтым прэс-служба Нацыянальнага банка краіны звяртае ўвагу на тое, што ў выпадку, калі арганізацыя гандлю (сэрвісу) гатовая вярнуць свайму кліенту грашовыя сродкі, раней выплачаныя пры дапамозе банкаўскай плацежнай карткі, такую аперацыю неабходна аформіць шляхам ажыццяўлення аперацыі вяртання ў плацежным тэрмінале. У гэтым выпадку кліенту будуць вернутыя яго грашовыя сродкі, а арганізацыі гандлю — раней выплачанае ўзнагароджанне за аказаныя паслугі эквайрынгу (у тым ліку інтэрнэт-эквайрынгу).

Таксама эксперты рэгулятара паведамляюць, што цяпер праводзяцца работы па ўкараненні ў АРІП падобнага сэрвісу, які дазволіць кліентам ажыццяўляць вяртанне плацяжоў, зробленых у безнаяўнай форме, з дапамогай сістэм дыстанцыйнага банкаўскага абслугоўвання, а арганізацыям гандлю (сэрвісу) — раней выплачанае імі ўзнагароджанне. Такі сэрвіс будзе рэалізаваны на працягу некалькіх месяцаў, падрабязную інфармацыю аб парадку яго выкарыстання паведамяць пазней.

Пры гэтым спецыялісты нагадваюць, што ў АРІП ужо рэалізаваны механізм вяртання ў поўным аб'ёме плацяжоў за жыллёва-камунальныя паслугі. Для гэтага неабходна падаць заяву аб вяртанні залішне (памылкова) выплачанай сумы ў арганізацыю, якая ажыццяўляе ўлік, разлік і налічэнне платы за жыллёва-камунальныя паслугі (разлікова-даведачны цэнтр). Пасля разгляду заявы грошы будуць вернуты плацельшчыку.

Сяргей КУРКАЧ

Прэв'ю: Depositphotos.com

Загаловак у газеце: Грошы будуць вернутыя ў поўным аб'ёме...

Выбар рэдакцыі

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.