Новы доўгатэрміновы праект па прапагандзе бяспекі жыццядзейнасці запускае МНС Беларусі сумесна з радыёстанцыяй “Цэнтр FM” пры тэлевізійнай падтрымцы тэлеканала АНТ. Пра гэта паведамляе сайт міністэрства.
Так, пачынаючы з 30 сакавіка, кожны панядзелак у 7.20 раніцы ў ратавальнікаў будзе асобны блок у праграме “Наша раніца” на АНТ. Вядучыя “Цэнтр FM”, якія ўключацца ў эфір з дапамогай тэлемоста, зададуць пытанні з гісторыі пажарнай службы, адказы на якія гледачы павінны будуць даслаць на працягу тыдня. Пераможца будзе вызначацца кожную пятніцу. У адным з эфіраў будзе разыграны крэатыўны суперпрыз ад МНС!
Акрамя таго, на “Цэнтр FM” працягнецца рубрыка “Фотапаляванне”. Кожны дзень у 7.55 раніцы слухачоў чакае займальная гульня. Сутнасць яе складаецца ў тым, што вядучыя загадваюць прадмет, звязаны з пажарнай бяспекай, і размяшчаюць фрагмент яго выявы ў Instagram Stories акаўнта радыёстанцыі. Удзельнікі пакідаюць каментарыі са сваімі здагадкамі, што гэта за прадмет. Увечары пераможцу сярод тых, хто правільна адказалі, вызначаюць выпадковым чынам.
Сяргей РАСОЛЬКА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.