Вы тут

На рэспубліканскай дарожнай сетцы праходзіць навядзенне парадку перад летам


У адпаведнасці з загадам Мінтранса ад 9 сакавіка 2020 г. № 19-Д "Аб падрыхтоўцы рэспубліканскіх аўтамабільных дарог да эксплуатацыі ў летні перыяд”, прадпрыемствы дарожнай гаспадаркі праводзяць комплекс мерапрыемстваў па навядзенні парадку на дарогах і ў палосах адводу. Усе работы плануецца завяршыць да пачатку мая.


Як паведамілі ў Міністэрстве транспарту і камунікацый, гэтым дакументам зацверджаны план-графік падрыхтоўкі дарог, дзе распісаны віды работ і тэрміны іх выканання. У першачарговым парадку загадана ліквідаваць сезонную ямачнасць. Пры гэтым даручаецца забяспечыць строгае захаванне тэхналогіі і якасці работ пры выкананні такога рамонту.

Акрамя таго, дарожнікам трэба будзе ліквідаваць месцы застою вады на праезнай частцы і ўзбочынах, ачысціць дарогі ад рэшткаў процігалалёдных матэрыялаў, ліквідаваць недахопы ва ўстаноўцы і знешнім выглядзе дарожных знакаў, прывесці ў парадак аўтапавільёны, аўтобусныя прыпынкі, пляцоўкі адпачынку, адрамантаваць і пафарбаваць бар'ерную агароджу, аднавіць знятыя на зімовы перыяд сігнальныя слупкі. Вялікая работа будзе праведзена ў паласе адводу па высечцы сухіх дрэў і кустоўя, па прафіляванні ўзбочыны ўздоўж рэспубліканскіх дарог, прывядзенню ў парадак тэрыторый вытворчых баз, будаўнічых гарадкоў, пляцовак для складзіравання матэрыялаў.

Таксама ў загадзе ўтрымліваюцца патрабаванні аб забароне вытворчасці дарожных работ на рэспубліканскіх аўтамабільных дарогах пры незабеспячэнні бяспекі дарожнага руху і адсутнасці ўзгодненых са службамі ДАІ МУС схем устаноўкі тэхнічных сродкаў арганізацыі дарожнага руху, распрацаваных у адпаведнасці з ТКП 636-2019 “Уладкаванне месцаў вытворчасці прац пры будаўніцтве, рэканструкцыі, рамонце і ўтрыманні аўтамабільных дарог і вуліц населеных пунктаў”.

Кантроль за ходам падрыхтоўкі рэспубліканскіх аўтадарог да летняга сезона, якасцю выкананых работ, а таксама станам аўтамабільных дарог і прылеглых да іх тэрыторый ускладзены на РУП “Белдарцэнтр”. Асаблівая ўвага надаецца аўтадарогам, якія знаходзяцца ў 50-кіламетровай зоне вакол Мінска.

Сяргей РАСОЛЬКА

Прэв'ю: tut.by

Выбар рэдакцыі

Грамадства

Валанцёры супраць каранавіруса: адзін дзень з жыцця мінскага хаба ByCovid19

Валанцёры супраць каранавіруса: адзін дзень з жыцця мінскага хаба ByCovid19

Запушчаная кампанія па дапамозе медыкам ByCovid19 перарасла ў буйны «антыкаранавірусны» рух.

Культура

Кіназнаўца Мiкалай Iзволаў: На маёй памяцi адкрыццё такога маштабу здарылася ўпершыню

Кіназнаўца Мiкалай Iзволаў: На маёй памяцi адкрыццё такога маштабу здарылася ўпершыню

Гэта была сенсацыя: у 2018 годзе быў паказаны страчаны фiльм Дзiгi Вертава.

Грамадства

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Маленькі прынц у аднайменнай казцы кожны дзень пачынаў з таго, што прыводзіў у парадак сваю планету. 

Калейдаскоп

Вясёлыя гісторыі чытачоў

Вясёлыя гісторыі чытачоў

Чым бы дзіця ні цешылася, абы не плакала. Пажадана, каб нікога да слёз не даводзіла. Але ж бывае па-іншаму.