Вы тут

Нацыянальны цэнтр устойлівага развіцця створаны ў БДУ


Ён будзе функцыянаваць на базе юрыдычнага факультэта. Новая структура стане экспертнай пляцоўкай, якая аб'яднае навукоўцаў і спецыялістаў у галіне ўстойлівага развіцця. Дзейнасць цэнтра ахоплівае навуковы, кансультацыйны і адукацыйны напрамкі. Тут будуць праводзіцца даследаванні па асноўных тэмах рэзалюцыі ААН, семінары, канферэнцыі. Плануецца актыўнае супрацоўніцтва з айчыннымі і замежнымі партнёрамі ў рамках міжнародных праектаў, распрацоўка рэкамендацый для галіновых міністэрстваў, устаноў і арганізацый па пытаннях рэалізацыі Мэтаў устойлівага развіцця.


Фота: adukar.by

Акрамя таго, адной з задач пазначана распрацоўка і ўкараненне ў навучальны працэс адукацыйных праграм і планаў, лекцый і іншых матэрыялаў для  падрыхтоўкі спецыялістаў у галіне ўстойлівага развіцця, экалагічнай бяспекі, аховы навакольнага асяроддзя і кліматычных рэсурсаў.

Экспертамі выступяць супрацоўнікі ВНУ, якія займаюцца даследаваннямі экалагічных, працоўных і сацыяльных правоў. Іх праца будзе спрыяць рэалізацыі правоў чалавека на спрыяльнае навакольнае асяроддзе і клімат, якасную адукацыю, сацыяльныя гарантыі, а таксама садзейнічаць развіццю інклюзіі і камфортнага асяроддзя для інвалідаў і інш.

Даведка

Мэты ўстойлівага развіцця ААН  сфармуляваныя ў дакуменце “Пераўтварэнне нашага свету: парадак дня ў галіне ўстойлівага развіцця на перыяд да 2030 года”, прынятага 193 дзяржавамі-членамі ААН у 2015 годзе. 17 мэтаў і 169 падпарадкаваных ім задач неабходна дасягнуць да 2030 года.

Канцэпцыя ўстойлівага развіцця прадугледжвае развіццё эканамічнай, экалагічнай, сацыяльнай сістэм шляхам аптымальнага выкарыстання рэсурсаў, укаранення экалагічных тэхналогій, захавання стабільнасці сацыяльных і культурных сістэм, забеспячэння цэласнасці экасістэм.

Надзея НІКАЛАЕВА

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як новыя дасягненні вучоных паляпшаюць якасць жыцця і здароўя чалавека?

Як новыя дасягненні вучоных паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.