Вы тут

Разбурэнню аўтэнтычнай стайні ў Мёрскім раёне будзе дадзена прававая ацэнка


Разбурэнню стайні 1907 года роду Святаполк-Мірскіх у Мёрскім раёне будзе дадзена прававая ацэнка, заявіў на пасяджэнні Віцебскага аблвыканкама міністр культуры Юрый Бондар, перадае БЕЛТА.


Фота: t.me/tropinki

Кіраўнік ведамства звярнуў увагу, што ў Віцебскай вобласці 33 гістарычныя помнікі знаходзяцца ў нездавальняючым стане, 37 аб'ектаў не выкарыстоўваецца. "Толькі 39% матэрыяльных гісторыка-культурных каштоўнасцяў маюць адпаведныя пашпарты, на 600 аб'ектаў яны не складзеныя. Праекты ахоўных зон распрацаваны для 287 нерухомых помнікаў спадчыны, што складае 31% ад агульнага ліку ў вобласці. У гэтым напрамку работа вядзецца слаба. Такое стаўленне часцяком прыводзіць да негатыўных наступстваў", - сказаў Юрый Бондар.

Ён прывёў у прыклад нядаўні выпадак у Мёрскім раёне. У снежні мясцовы райаграсэрвіс знёс стайню на тэрыторыі былой сядзібы роду Святаполк-Мірскіх у вёсцы Каменполле. "Стайня не з'яўляецца ахоўным аб'ектам, але яна знаходзіцца на тэрыторыі гісторыка-культурнай каштоўнасці. Нормы закона парушаныя, цяпер мы сумесна з пракуратурай будзем даваць прававую ацэнку гэтым дзеянням", - сказаў міністр.

Каб падобных сітуацый у будучыні не адбылося, памочнік Прэзідэнта - інспектар па Віцебскай вобласці Анатоль Ліневіч прапанаваў разаслаць спісы з ахоўваемымі аб'ектамі старшыням райвыканкамаў.

Фота: globus.tut.by

Дарэчы, "Віцебскаблмаёмасць" і ўпраўленне культуры аблвыканкама нядаўна сфармавалі спіс аб'ектаў спадчыны, якія прапануюць інвестарам. У іх ліку і былая сядзіба Святаполк-Мірскіх. Будынак не выкарыстоўваецца.

У спіс гісторыка-культурных каштоўнасцяў Віцебскай вобласці ўваходзяць 957 аб'ектаў.

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Баявыя поспехi шмат у чым залежалi ад быту, або пра што паведамляюць партызанскiя летапiсы

Баявыя поспехi шмат у чым залежалi ад быту, або пра што паведамляюць партызанскiя летапiсы

Партыйныя i камсамольскiя арганiзацыi партызанскiх атрадаў удзялялi вялiкую ўвагу адпачынку i вольнаму часу партызан.