Вы тут

Рэгулятар папрасіў банкі ведаць меру пры продажы насельніцтву наяўнай валюты


Нацбанк краіны накіраваў на адрас камерцыйных банкаў рэкамендацыі па забеспячэнні якаснага і бесперабойнага абслугоўвання фізічных асоб у сітуацыі павышанага попыту на асобныя банкаўскія аперацыі.


У прыватнасці, банкам паказана на недапушчальнасць увядзення неабгрунтаваных абмежаванняў і ўзнагароджанняў за здзяйсненне банкаўскіх аперацый, у тым ліку звязаных з атрыманнем наяўных грашовых сродкаў кліентамі са сваіх бягучых (разліковых) банкаўскіх рахункаў (уключаючы рахункі, да якіх выпушчаны ў абарачэнне банкаўскія плацежныя карткі) і правядзеннем безнаяўных разлікаў.

Таксама фінансавым інстытутам рэкамендавана не завышаць курс канверсіі пры зняцці насельніцтвам наяўнай замежнай валюты, якая адрозніваецца ад валюты бягучага банкаўскага рахунку, у тым ліку рахунку па ўліку ўкладу (дэпазіту), а таксама пры пералічэнні замежнай валюты па рахунках, адкрытых у розных замежных валютах.

Акрамя таго, у сённяшніх умовах, якія характарызуюцца адсутнасцю з аб'ектыўных прычын дастатковага аб'ёму наяўных долараў, банкам неабходна падмацоўваць абменныя пункты (касы) іншай наяўнай замежнай валютай у аб'ёмах, дастатковых для поўнага задавальнення попыту насельніцтва.

І галоўнае: Нацыянальны банк таксама звярнуў увагу банкаў на неабходнасць узважанага падыходу да ўстанаўлення розніцы паміж курсамі куплі і продажу замежнай валюты.

Сяргей КУРКАЧ

Прэв'ю: sputnik.by

Загаловак у газеце: Прыцішыць апетыты

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Баявыя поспехi шмат у чым залежалi ад быту, або пра што паведамляюць партызанскiя летапiсы

Баявыя поспехi шмат у чым залежалi ад быту, або пра што паведамляюць партызанскiя летапiсы

Партыйныя i камсамольскiя арганiзацыi партызанскiх атрадаў удзялялi вялiкую ўвагу адпачынку i вольнаму часу партызан.