Вы тут

Мінфін: Беларусь працягне выконваць абавязацельствы па дзярждоўгу ў поўным аб'ёме


Беларусь працягне выконваць абавязацельствы па дзярждоўгу ў поўным аб'ёме, заявіў сёння журналістам міністр фінансаў Максім Ермаловіч, інфармуе БЕЛТА.


"Мы працягваем выконваць свае абавязацельствы ў поўным аб'ёме. Ніякіх змяненняў у палітыцы Міністэрства фінансаў і Беларусі ў цэлым у дачыненні да абавязацельстваў, якія краіна на сябе прыняла, мы не ўносім і працягваем дзейнічаць у строгай адпаведнасці з гэтымі абавязацельствамі", - сказаў Максім Ермаловіч.

За два месяцы бягучага года на пагашэнне дзяржаўнага доўгу было накіравана $366 млн, на абслугоўванне - $157 млн. Да канца года на пагашэнне і абслугоўванне трэба будзе накіраваць каля $3,1 млрд. "Ніякіх праблем з выкананнем гэтых абавязацельстваў не бачым. Ёсць поўная ўпэўненасць у тым, што мы забяспечаныя крыніцамі для такога пагашэння", - падкрэсліў міністр.

Ён звярнуў увагу, што Міністэрства фінансаў правяло значную працу па ўдасканаленні сістэмы кіравання дзяржаўным доўгам, дыверсіфікаваць партфель сваіх запазычанняў і магчымасці прыцягнення рэсурсаў з розных крыніц. "Дастаткова развіты ўнутраны рынак, на якім прысутнічаюць дзяржаўныя каштоўныя паперы. Гэта дазваляе нам у любых, нават складаных сітуацыях забяспечваць высокую кіравальнасць дзярждоўгу", - адзначыў Максім Ермаловіч.

Выбар рэдакцыі

Грамадства

Чым здзівілі фіналісты праекта TEDxYouth@Mіnsk?

Чым здзівілі фіналісты праекта TEDxYouth@Mіnsk?

Канферэнцыя прайшла ў анлайн-фармаце на відэасэрвісе VOKA.

Грамадства

Інтэр'ер для эстраднай зоркі. Глусчане сведчаць, што Філіп Кіркораў заказваў на іх фабрыцы дзверы

Інтэр'ер для эстраднай зоркі. Глусчане сведчаць, што Філіп Кіркораў заказваў на іх фабрыцы дзверы

Зараз такой фабрыкі няма, але ёсць людзі, якія могуць згадаць гісторыю яе існавання.

Грамадства

У Мінску пасля рэканструкцыі адкрыўся Музей гісторыі камсамола і маладзёжнага руху Беларусі

У Мінску пасля рэканструкцыі адкрыўся Музей гісторыі камсамола і маладзёжнага руху Беларусі

У Мінску пасля рэканструкцыі адкрыўся Музей гісторыі камсамола і маладзёжнага руху Беларусі.