Вы тут

Дзікія сланы зайшлі ў вёску


Статак з 14 азіяцкіх сланоў блукаў па вёсцы Маньмай у павеце Мэнхай (правінцыя Юньнань, Паўднёва-Заходні Кітай). Аб гэтым заявілі мясцовыя ўлады, перадае «Жэньмінь жыбаа» анлайн».


Раней гэты статак разам з трыма іншымі сланамі-самцамі бачылі ў пасёлку Мэн’а на тэрыторыі павета Мэнхай. Пасля сланы заставаліся ў лесе, аднак праз некалькі дзён яны прыйшлі ў дамы мясцовых жыхароў ў пошуках ежы, пашкодзіўшы пры гэтым дах, дзверы і вокны пабудоў. Паведамленняў аб ахвярах або параненых з прычыны гэтага факту пакуль не паступала, адзначыў аддзел прапаганды павятовага парткама.

Па словах Лун Юньхая, намесніка кіраўніка ўпраўлення лясной і стэпавай гаспадаркі павета Мэнхай, зараз праводзіцца маніторынг гігантаў з дапамогай тэхнікі, такі як дроны, каб пазбегнуць канфліктаў паміж людзьмі і сланамі. Павятовыя ўлады своечасова апублікавалі для месцічаў інфармацыю пра месцазнаходжанне статку, а таксама кантралююць рух транспарту на бліжэйшых дарогах, удакладніў чыноўнік.

Лун Юньхай адзначыў, што ўлады таксама каардынуюць дзеянні з мясцовымі цукровымі заводамі, каб у вёсках, дзе прайшлі сланы, спачатку завяршылі збор цукровага трыснёга, што дапаможа скараціць страты сельскіх жыхароў і пазбегнуць доўгага знаходжання сланоў, паколькі жывёлы любяць ласавацца салодкімі раслінамі.

Дзікія азіяцкія сланы, адзін з унікальных відаў у трапічных лясах, знаходзяцца пад дзяржаўнай аховай першай катэгорыі ў Кітаі. Дзякуючы больш актыўным намаганням па абароне навакольнага асяроддзя і дзікай прыроды колькасць папуляцыі дадзенага віду жывёл у краіне вырасла да 300 асобін. У Кітаі яны ў асноўным жывуць на тэрыторыі правінцыі Юньнань.

Выбар рэдакцыі

Грамадства

Колькасць «супрацьпрышчэпачнiкаў» змяншаецца, бо вакцыны даказваюць сваю эфектыўнасць

Колькасць «супрацьпрышчэпачнiкаў» змяншаецца, бо вакцыны даказваюць сваю эфектыўнасць

Сусветны тыдзень iмунiзацыi сёлета пройдзе з 24 да 30 красавiка пад лозунгам #Vaccines Work for AN# — «За агульны доступ да эфектыўных вакцын».

Грамадства

Карэспандэнты «Звязды» выправiлiся ў рэйд з супрацоўнiкамi ДАI

Карэспандэнты «Звязды» выправiлiся ў рэйд з супрацоўнiкамi ДАI

Абстаноўка на дарогах Мiнскага раёна — не з самых простых.

Грамадства

Нацыянальная акадэмія навук ініцыюе стварэнне народнага летапісу Вялікай Айчыннай вайны

Нацыянальная акадэмія навук ініцыюе стварэнне народнага летапісу Вялікай Айчыннай вайны

Навукоўцы звяртаюцца да кіраўніцтва абласных і раённых выканаўчых камітэтаў, устаноў адукацыі і культуры, грамадскіх арганізацый, усіх зацікаўленых грамадзян з просьбай разгарнуць работу па зборы ўспамінаў і фатаграфій удзельнікаў падзей Вялікай Айчыннай вайны.