Вы тут

У фокусе ўвагі МЗС — яшчэ некалькі тысяч беларусаў, якім можа спатрэбіцца дапамога ў вяртанні


Як паведамляе афіцыйная старонка галоўнага знешнепалітычнага ведамства нашай краіны ў «Фэйсбуку», наладжана сістэмная адпраўка беларусаў з Егіпта, сумесна з расійскім бокам дастаўляюцца грамадзяне з Тайланда, прапрацоўваецца эвакуацыя з Марока, вяртаюцца грамадзяне з Чарнагорыі, у транзітную схему вяртання праз Расію ўключаны аэрапорт «Пулкава».


Расійскі ўрад 20 сакавіка выдаў распараджэнне, згодна з якім дазволіў транзіт па сваёй тэрыторыі грамадзянам краін СНД. Цяпер нашымі дыпламатамі ў цесным кантакце з расійскім бокам, паслом Расіі ў Беларусі Дзмітрыем Мезенцавым вызначаюцца схемы рэалізацыі транзіту. Па выніках сумеснай нарады ў МУС Расіі выпрацаваны дадатковыя варыянты накіравання ў Беларусь нашых грамадзян, якія прыбываюць у аэрапорт «Унукава».

«У прыватнасці, гаворка ідзе пра магчымасць іх вылету з аэрапортаў «Дамадзедава» і «Шарамеццева», а таксама наземнага выезду на радзіму. У якасці варыянта дастаўкі грамадзян у аэрапорты разглядаецца транспарт пасольства Беларусі ў Маскве», — перадае прэс-служба МЗС.

Праблемная сітуацыя захоўваецца з суайчыннікамі на індыйскім Гаа. Для вырашэння пытання праведзены шэраг рабочых мерапрыемстваў на ўзроўні вышэйшага кіраўніцтва Міністэрства транспарту, а таксама па лініі Федэральнага агенцтва паветранага транспарту Расіі. Разглядаюцца розныя варыянты, у тым ліку накіраванне дадатковых бартоў. «Разлічваем, што ў самыя бліжэйшыя дні сумеснымі намаганнямі мы знойдзем рашэнне пытання», — адзначаецца на афіцыйнай старонцы МЗС.

Марыя ДАДАЛКА

Прэв'ю: m.azh.kz

Загаловак у газеце: Пошукі шляхоў на радзіму

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам спецыялістам Нацбанка

Тонкае мастацтва дабрабыту. Складаем сямейны бюджэт разам спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.