Вы тут

Нацбанк выпусціў заяву аб сітуацыі на фінансавым рынку


За апошнія дні валацільнасць на глабальных фінансавых рынках значна ўзрасла. У гэтых умовах павысіўся попыт на замежную валюту на ўнутраным валютным рынку Рэспублікі Беларусь. Гэта адбілася на дынаміцы курса беларускага рубля ў адносінах да замежных валют, гаворыцца на сайце Нацыянальнага банка.


З мэтай абмежавання рызык забеспячэння фінансавай стабільнасці, звязаных з павышанай валацільнасцю курса, Нацыянальны банк праводзіў валютныя інтэрвенцыі ў дадатковых аб'ёмах.

У цэлым Нацыянальны банк рэалізуе курсавую палітыку ў рэжыме плаваючага курса, які дапускае правядзенне валютных інтэрвенцый у абмежаваных аб'ёмах з мэтай згладжвання рэзкіх ваганняў курса.

Нацыянальны банк працягне ажыццяўляць маніторынг сітуацыі і пры неабходнасці будзе прымаць аператыўныя меры рэагавання.

З мэтай павышэння магчымасцей банкаў па захаванні фінансавай падтрымкі рэальнаму сектару эканомікі ва ўмовах павышанага ўплыву знешніх негатыўных фактараў Праўленнем Нацыянальнага банка Рэспублікі Беларусь было прынята рашэнне аб прымяненні контрцыклічных мер, звязаных са змякчэннем шэрагу прудэнцыяльных патрабаванняў.

Акрамя таго, прынята рашэнне аб часовым спыненні зацвярджэння і прымянення разліковых велічынь стандартнай рызыкі (далей – РВСР) па дэпазітных інструментах, а таксама аб павелічэнні дапушчальнага ўзроўню рызык пры разліку РВСР па крэдытных інструментах. Пры прыняцці гэтага рашэння Нацыянальны банк сыходзіў з таго, што ў існуючых умовах банкі павінны валодаць большай гібкасцю пры рэагаванні на змяненні сітуацыі на рынку.

У цяперашні час у сувязі з распаўсюджваннем эпідэміі каранавіруса і мерамі, якія прымаюцца па абмежаванні ўезду замежных грамадзян, міжнародныя авіякампаніі значна скарацілі колькасць палётаў, што істотна ўскладніла перамяшчэнне грузаў паміж краінамі.

З гэтай прычыны ў дадзены момант еўрапейскія банкі і фінансавыя арганізацыі, якія прадстаўляюць паслугі па продажы наяўных долараў ЗША на еўрапейскім рынку, маюць цяжкасці з дастаўкай валюты са Злучаных Штатаў Амерыкі. Гэта прывяло да дэфіцыту наяўных долараў ЗША ў краінах рэгіёна на фоне павелічэння попыту на іх, абумоўленага высокай валацільнасцю на сусветных фінансавых рынках.

У сувязі з гэтым у абменных пунктах і касах банкаў можа назірацца часовы недахоп наяўных долараў ЗША. Пры гэтым адсутнічаюць абмежаванні па куплі/продажы долараў ЗША ў безнаяўнай форме. Акрамя таго, у касах банкаў у дастатковай колькасці знаходзіцца іншая замежная валюта (напрыклад, еўра).

У існуючых умовах банкаўскай сістэмай краіны будуць прадпрымацца неабходныя меры па забеспячэнні своечасовага і якаснага прадастаўлення грамадзянам і суб'ектам гаспадарання ўсяго комплексу банкаўскіх паслуг.

Прэв'ю: pravo.by

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.