21 верасня, панядзелак

Вы тут

Рэжым працы паліклінік змяніўся ў сувязі з каранавірусам


Сталічныя паліклінікі аптымізуюць працу ў сувязі з сітуацыяй з каранавірусам. Куды звяртацца гараджанам па медыцынскую дапамогу, вызначыла Міністэрства аховы здароўя загадам ад 16 сакавiка 2020 года «Аб мерах па арганізацыі аказання медыцынскай дапамогі пацыентам з прыкметамі рэспіраторнай інфекцыі і прыняцці дадатковых супрацьэпідэмічных мер у арганізацыях аховы здароўя», паведамляюць «Мінск-Навіны».


Як будуць працаваць паліклінікі

Пацыенты з павышанай тэмпературай будуць прымацца праз асобны ўваход, для працы з такой катэгорыяй грамадзян рэкамендавана арганізаваць інфекцыйныя аддзяленні або кабінеты на базе аддзялення дзённага знаходжання. Медперсанал будзе забяспечаны антысептычнымі сродкамі і сродкамі індывідуальнай абароны.

Пажылыя пацыенты і грамадзяне з хранічнымі захворваннямі будуць абслугоўвацца ў хатніх умовах. У гэтай працы будзе максімальна задзейнічаны сярэдні медыцынскі персанал.

Планавыя мерапрыемствы па дыспансерызацыі насельніцтва, планавую вакцынацыю дарослых і дзяцей, а таксама правядзенне шэрагу даследаванняў (мамаграфіі, флюараграфіі, планавай стаматалагічнай дапамогі і іншых працэдур) па магчымасці абмяжуюць.

Выпіскі з медыцынскіх дакументаў па запытах іншых арганізацый аховы здароўя і саміх пацыентаў будуць выдавацца ў электронным выглядзе. Рэцэпты на лекі грамадзянам з хранічнай паталогіяй будуць дастаўляць па месцы iх пражывання (знаходжання).

Дзе будуць прымаць пацыентаў з каранавірусам

У загадзе зацверджаны пералік медустаноў у Мінску, дзе будуць аказваць дапамогу пацыентам з інфекцыяй COVID-19, а таксама кантактам першага і другога узроўняў.

Пацыенты з каранавірусам будуць абслугоўвацца ў гарадской інфекцыйнай клінічнай бальніцы (210 ложкаў, уключаючы 6 ложкаў аддзялення анестэзіялогіі і рэанімацыі), 6-й гарадской клінічнай бальніцы (тэрапеўтычны і траўматалагічны карпусы на 600 ложкаў, уключаючы 46 ложкаў аддзялення анестэзіялогіі і рэанімацыі), 4-й гарадской клінічнай бальніцы (тэрапеўтычны корпус на 300 ложкаў, уключаючы 19 ложкаў аддзялення анестэзіялогіі і рэанімацыі), гарадскім клінічным анкалагічным дыспансеры (радыелагічны корпус на 120 ложкаў, у тым ліку 12 ложкаў аддзялення анестэзіялогіі і рэанімацыі).

Кантакты 1-га ўзроўню будуць знаходзіцца ў Рэспубліканскім клінічным шпіталі інвалідаў Вялікай Айчыннай вайны (196 ложкаў, уключаючы 6 ложкаў аддзялення анестэзіялогіі і рэанімацыі), кантакты 2-га ўзроўню - у Гарадскім клінічным скурна-венералагічным дыспансэры на 290 ложкаў, спартыўна-аздараўленчым комплексе «Брыганціна» на 250 месцаў.

Дарэчы, загадам ўстаноўлены даплаты медработнікам, якія аказваюць дапамогу пацыентам з COVID-19 і кантактам 1-га ўзроўню. Акрамя таго, медыкі і іншыя віды работнікаў, якія знаходзяцца ў закрытым кругласутачным рэжыме аказання дапамогі пацыентам з каранавірусам і іх кантактам, будуць забяспечаны харчаваннем.

Прэв'ю: jur24pro.ru

Выбар рэдакцыі

Культура

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

Пра калег — настаўнiкаў, старэйшых таварышаў, паплечнiкаў распавядае доктар педагагiчных навук, прафесар матэматыкi, заслужаны дзеяч навукi Рэспублiкi Беларусь.

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.