Вы тут

Лукашэнка плануе абмеркаваць з Пуціным праблему закрыцця мяжы з Расіяй


Прэзідэнт Беларусі Аляксандр Лукашэнка параіўся з дзяржаўным сакратаром Савета бяспекі Андрэем Раўковым і кіраўнікам Адміністрацыі Прэзідэнта Ігарам Сергеенкам.


Нагодай для сустрэчы стала заява прэм’ер-міністра Расіі Міхаіла Мішусціна аб закрыцці мяжы з Беларуссю.

«Не тое што нас вельмі ўжо хвалюе і ў нас тут ужо ці не паніка, не. Але тэма вартая таго, каб падумаць, як нам дзейнічаць адпаведна і адэкватна. Дзіўна, што ў расійскім урадзе ніхто не ведае, што ў нас мяжы няма. Яна не дэлімітавана і не дэмаркавана. У нас няма мяжы, таму закрываць няма чаго», — канстатаваў Прэзідэнт.

Ён зрабіў здагадку, што расійскі бок усталяваў мяжу ў сябе. Здзіўляе менавіта «закрыццё» — не ўвядзенне кантролю хворых на каранавірус ці нейкіх іншых мерапрыемстваў. У адказ Прэзідэнт асобным «гарачым галовам» можа толькі параіць думаць перш, чым казаць.

«Справа ў тым, што закрыць — як і пачаць нейкую вайну, яшчэ чагосьці — заўсёды прасцей, чым потым з гэтай сітуацыі выходзіць. Таму што пасля закрыцця прыйдзе перыяд, калі трэба будзе адкрываць. А я ведаю, як гэта. Гэта ўсё вельмі няпроста. Я асабіста не жадаў бы, каб гэта ў маім жыцці паўтарылася», — адзначыў Аляксандр Лукашэнка.

Расія закрыла мяжу ў якасці меры барацьбы з новым каранавірусам. Але, на думку Прэзідэнта, вірусолагі разумеюць, што змагацца з вірусам тэрытарыяльна немагчыма, асабліва ў нашым глабалізаваным свеце. Больш за тое, па логіцы Расіі, граніцы трэба закрываць ужо рэгіянальна, працягнуў Аляксандр Лукашэнка.

«Расія велізарная. Навошта ж адрэзалі Беларусь ад Расіі, не падумаўшы аб наступствах? Мне здаецца, там больш заклапочаныя тым, як Маскву нейкім плотам агародзіць і думаць: крый Божа, урад заразіцца. І пачалі здалёк», — напаўпажартаваў беларускі лідар.

Ён упэўнены: з вірусамі трэба змагацца па сутнасці, прафесійна, кропкава. Прэзідэнт выказаў здзіўленне тым, што расійскі бок бясплатна прапанаваў Беларусі тры тысячы тэстаў. У Міністэрстве аховы здароўя такой дабрачыннасці нават не зразумелі. А усходняя суседка патлумачыла: для абароны на мяжы з Польшчай.

«Сапраўды, мы гэта робім (кантроль тых, хто ўязджае — «Зв.») ужо два месяцы амаль, як толькі сігнал пайшоў. На ўсіх межах, акрамя Расіі, правяраем людзей. Вось яны нас праспансіравалі, прызналі, што мы гэта робім правільна», — патлумачыў Аляксандр Лукашэнка.

На агульнай заходняй граніцы і трэба было зрабіць акцэнт замест таго, каб закрываць мяжу з Беларуссю, упэўнены лідар краіны. Калі Расія сама прызнала сваю сітуацыю складанай, лагічна было б ад нашай краіны чакаць боязі.

«Вы ж чаго баіцеся Беларусі? Пры такім нашым кантролі і стаўленні да гэтай праблемы — давайце разам гэта рабіць. Не. Закрылі. Ну што ж, гэта іх справа. Мы мусім сёння вызначыцца, што нам рабіць у гэтай сітуацыі, каб не пацярпелі ні людзі, ні эканоміка: за год 110 мільёнаў тон грузу перамясцілася транзітам! Чым думалі людзі, калі прымалі такія рашэнні?» — не разумее беларускі лідар.

Ён прадбачыць велізарныя чэргі фураў, незадаволенасць людзей, нязручнасць для беларусаў у Расіі і расіян у Беларусі... Аляксандр Лукашэнка плануе па тэлефоне абмеркаваць праблему з расійскім калегам Уладзімірам Пуціным. Падыход адзін: людзі пацярпець не павінны. Адпаведны комплекс мер лідар краіны даручыў выпрацаваць разам з урадам.

Варвара МАРОЗАВА

Фота БЕЛТА

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як новыя дасягненні вучоных паляпшаюць якасць жыцця і здароўя чалавека?

Як новыя дасягненні вучоных паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.