Вы тут

Развіццё інтэрнэту важна пашыраць


Актуальны фармат сённяшняга папяровага выдання, стварэнне моцных рэдакцый, запатрабаванасць у мультымедыйных прадуктах, абарона гістарычнай памяці і лёс друкаванай кнігі... На гэтыя і іншыя аспекты развіцця медыяпрасторы і выдавецкай справы міністр інфармацыі Беларусі Аляксандр Карлюкевіч звярнуў увагу падчас наведвання Гомельскага дзяржаўнага ўніверсітэта імя Ф. Скарыны. Сустрэча ў фармаце адкрытага дыялогу з выкладчыкамі і студэнтамі ВНУ прайшла ў межах адзінага дня інфармавання.


Адна з тэм, якую закранулі студэнты-філолагі, датычылася падтрымання цікавасці да папяровых выданняў. Міністр падкрэсліў, што сёння на медыяпрасторы для газет важна стварыць моцную рэдакцыю, якая акрамя традыцыйнага папяровага фармату паралельна павінна мець канкурэнтаздольны прадукт у інтэрнэце.

Адказваючы на пытанні студэнтаў, Аляксандр Карлюкевіч звярнуў увагу на тое, што зараз рэдакцыя кожнага СМІ павінна быць камунікатыўным цэнтрам і выкарыстоўваць самыя розныя фарматы для наладжвання кантакту з чытачом: не толькі на паперы, але і, перш за ўсё, у сацыяльных сетках. Пры гэтым на стварэнне пэўнага стылю і пазіцыянаванне светапогляду рэдакцыі павінен працаваць увесь калектыў.

Дарэчы, прагучала думка і аб тым, што папяровае выданне — гэта папулярны і перспектыўны фармат для агучвання поглядаў і прагнозаў экспертаў у сферах эканомікі, сацыяльнага развіцця і навукі, для аналітычных высноў прадстаўнікоў аўтарскай журналістыкі. Гэта, на думку міністра інфармацыі, і ёсць адказ на пытанне: як сучаснай газеце ўтрымаць чытача? На сустрэчы закранулі і пытанне пашырэння колькасці інфармацыйных рэсурсаў у інтэрнэце:

— Канешне, сёння асноўная медыйная нагрузка, калі казаць пра ўплыў на грамадства, прыходзіцца на сацыяльныя сеткі і інтэрнэт-рэсурсы, — адзначыў Аляксандр Карлюкевіч. — Улічваючы сучасныя рэаліі, перакананы, што СМІ павінны скіраваць свой погляд на стварэнне разнастайных прадуктаў для інтэрнэт-прасторы і сеткавых рэсурсаў. Зараз для гэтага існуюць усе ўмовы.

А вось распаўсюджванне беларускага друкаванага слова міністр інфармацыі бачыць у тым ліку і дзякуючы пашырэнню работы з пазаштатнымі аўтарамі: не прафесійныя журналісты, але мовазнаўцы, настаўнікі, гісторыкі і ўсе, хто ведае і любіць роднае слова, могуць стаць у газетах новымі імёнамі.

Студэнтам было цікава даведацца, якім Аляксандр Карлюкевіч бачыць лёс друкаванай кнігі і якія з апошніх выданняў лічыць цікавымі для чытачоў? Адзначым, што сярод шэрагу друкаваных праектаў міністр інфармацыі адзначыў кнігу «Кветкавы край Беларусі». Аўтары выдання — паэт Леанід Дранько-Майсюк і фотамастак нашага выдання Анатоль Кляшчук на працягу дзесяцігоддзяў збіралі матэрыял, каб паказаць вялікаму свету невядомую прыгажосць
Беларусі, якую варта захаваць.

Наталля КАПРЫЛЕНКА

Прэв'ю: bobrlife.by

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…