Вы тут

Румас растлумачыў, чаму эфектыўнасць дзяржсектара ніжэйшая, чым на прыватных прадпрыемствах


Па словах прэм'ер-міністра, прычын для гэтага некалькі, але адна з асноўных — нізкая якасць кіравання прадпрыемствамі. «Кажучы пра нізкую якасць кіравання, я маю на ўвазе не толькі нанятага кіраўніка прадпрыемства, але і недастаткова эфектыўную сістэму ўладальніцкага нагляду з боку дзяржаўных органаў і пакуль слабую работу прадстаўнікоў дзяржавы ў органах кіравання», — сказаў Сяргей Румас на пасяджэнні Прэзідыума Савета Міністраў. Яно было прысвечана рабоце прадстаўнікоў дзяржавы ў органах кіравання гаспадарчых таварыстваў, акцыі якіх належаць дзяржаве.


З боку рэгулятара існуюць актуальныя заканадаўчыя акты, а ў практычным выкананні прысутнічаюць праблемныя пытанні. Асноўнае, як адзначыў прэм'ер-міністр, — не ўсе правільна разумеюць фундаментальныя прынцыпы карпаратыўнага кіравання. «Скажонае разуменне месца і ролі назіральных саветаў у кіраванні прадпрыемствам прыводзіць да сур'ёзных сістэмных памылак і наступстваў, за якія разлічваецца ў асноўным бюджэт», — удакладніў ён.

Каб змяніць сітуацыю, было прынята рашэнне аб павелічэнні прадстаўленасці ў органах кіравання таварыстваў — абапіраючыся на вопыт, прадстаўнікі дзяржавы ў найбуйнейшых арганізацыях павінны былі выбудаваць сістэму прыняцця рашэнняў і кантролю, расставіць прыярытэты і падабраць у назіральныя саветы кампетэнтных спецыялістаў.

З таго часу прайшоў амаль год. Ацэнку рабоце (перш за ўсё па групе прадпрыемстваў топ-100) у сваім дакладзе даў старшыня Дзяржаўнага камітэта па маёмасці Андрэй Гаеў.

Па словах Сяргея Румаса, мяркуючы па статыстыцы, сувязь тэмпаў росту вытворчасці працы і заробкаў назіраецца вельмі розная: «Палова прадпрыемстваў з топ-100 у 2019 годзе з гэтай задачай не справілася».

Па інфармацыі старшыні Саўміна, летась некаторыя арганізацыі не прадугледзелі скарачэнне страт у парадку дня назіральных саветаў.

«Было даручана аптымізаваць крэдытныя партфелі, папрацаваўшы з абслугоўваючымі банкамі. Да рашэння гэтай задачы, мяркуючы па справаздачах, некаторыя таварыствы таксама падышлі фармальна, — падкрэсліў Сяргей Румас. — Відавочна, што персанальныя задачы, вызначаныя прадстаўнікамі дзяржавы, у поўным аб'ёме не выкананы. Відавочная адсутнасць неабходнай каардынацыі з боку органаў уладальніцкага нагляду і Дзяржкаммаёмасці».

Таксама ён звярнуў увагу, што для распрацоўкі стратэгій развіцця ўрад даручаў прыцягнуць навуковы патэнцыял Мінэканомікі і Акадэміі навук.

«Што маем? У кожным чацвёртым таварыстве з топ-100 у 2019 годзе пытанне вызначэння стратэгіі развіцця па назіральным савеце не разглядалася», — канстатаваў прэм'ер.

Марыя ДАДАЛКА

Загаловак у газеце: Наладзіць работу кантрольнага звяна

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Баявыя поспехi шмат у чым залежалi ад быту, або пра што паведамляюць партызанскiя летапiсы

Баявыя поспехi шмат у чым залежалi ад быту, або пра што паведамляюць партызанскiя летапiсы

Партыйныя i камсамольскiя арганiзацыi партызанскiх атрадаў удзялялi вялiкую ўвагу адпачынку i вольнаму часу партызан.