Вы тут

Пройдзе святочная імпрэза «Кніжны свет Беларусі: Берасцейшчына»


Сёння, 11 сакавіка, у Мінску ў кнігарні «Светач» па праспекце Пераможцаў, 11 а 12-й гадзіне пачнецца святочная імпрэза «Кніжны свет Беларусі: Берасцейшчына».


Гэтай сустрэчай выдаўцоў, пісьменнікаў, краязнаўцаў, вучоных, прадстаўнікоў брэсцкіх абласной і гарадской улад ААТ «Белкніга» і Міністэрства інфармацыі Рэспублікі Беларусь распачынаюць цыкл мерапрыемстваў, якія прысвечаны розным рэгіёнам нашай краіны. Дакладней — кніжным здабыткам, якія расказваюць пра Берасцейшчыну, старажытны і сучасны Брэст. У апошні час у розных выдавецтвах пабачылі свет унікальныя, багатыя на інфармацыю і адкрыцці гісторыка-краязнаўчага характару кнігі «Брэст. 1000», «Берасцейская Біблія» і яшчэ шмат чаго цікавага, адметнага, яркага, што, несумненна, прыцягне ўвагу чытачоў на свяце «Кніжныя скарбы Беларусі: Берасцейшчына».

У госці да мінчан прыедуць і супрацоўнікі Брэсцкай абласной бібліятэкі імя М. Горкага, калектыў якой шмат што робіць для развіцця краязнаўчай работы ў рэгіёне. Сваім веданнем гісторыі роднай старонкі, развагамі пра ролю краязнаўчай, радзімазнаўчай работы ў выхаванні грамадства падзеляцца на пляцоўцы «Светача» Валерый Мароз, Леанід Несцярчук, Анатоль Бензярук і іншыя пісьменнікі і краязнаўцы Берасцейшчыны. Мяркуецца, што ў бліжэйшы час імпрэзы, падобнай берасцейскай краязнаўчай «справаздачы», пройдуць у мінскай кнігарні і з удзелам іншых абласцей краіны.

Сяргей Шычко

Прэв'ю: sportedu.by

Выбар рэдакцыі

Палітыка

«Рэальнае жыццё нi ў якi нават самы дасканалы закон не ўмесцiш». Як дзейнічае Вярхоўны суд?

«Рэальнае жыццё нi ў якi нават самы дасканалы закон не ўмесцiш». Як дзейнічае Вярхоўны суд?

Пра першы год жыцця Вярхоўнага суда ў новым будынку — Валерый Калiнковiч.

Спорт

СААЗ рэкамендуе займацца спортам у хатнiх умовах

СААЗ рэкамендуе займацца спортам у хатнiх умовах

Сядзячы спосаб жыцця i нiзкi ўзровень фiзiчнай актыўнасцi могуць аказаць негатыўны ўплыў на здароўе.

Грамадства

Намеснік міністра аховы здароўя Алена Богдан: Сітуацыя з каранавірусам застаецца кантраляванай

Намеснік міністра аховы здароўя Алена Богдан: Сітуацыя з каранавірусам застаецца кантраляванай

У Беларусі з моманту выяўлення першага выпадку COVID-19 зарэгістравана 351 інфікаваных.