24 кастрычніка, субота

Вы тут

Прэзідэнт уручыў Валянціне Мацвіенка Ордэн Францыска Скарыны


Прэзідэнт Беларусі Аляксандр Лукашэнка ўручыў старшыні Савета Федэрацыі Расіі Валянціне Мацвіенка Ордэн Францыска Скарыны. Цырымонія ўзнагароджання прайшла сёння ў Палацы Незалежнасці.


Фота БелТА.

«Я хачу скарыстацца выпадкам вашага візіту і ўручыць вам заслужаную ўзнагароду. Узнагародзілі даўно, а ўручыць ніяк не можам, — сказаў кіраўнік краіны і ўручыў Валянціне Мацвіенка Ордэн Францыска Скарыны. — Мы хацелі, каб гэта было ўрачыста і па-роднаму. У кабінеце я не ўручаю (узнагароды — Зв.) нікому, акрамя сваіх сяброў».

Прэзідэнт адзначыў, што даведаўся: у Валянціны Мацвіенка шмат узнагарод. Але яна падкрэсліла: «Гэта вельмі дарагая ўзнагарода». Ганаровым ордэнам падарункі ад Аляксандра Лукашэнкі не закончыліся. Ён уручыў спікеру Савета Федэрацыі ікону святой Валянціны Мінскай і кнігу беларускай кухні.

«Ведаеце, я з асаблівымі пачуццямі заўсёды прыязджаю да вас і ад’язджаю, зарадзіўшыся гэтай вашай цеплынёй, гасціннасцю», — звярнула ўвагу парламентарый.

Па словах Аляксандра Лукашэнкі, Валянціну Мацвіенка ў Беларусі чакалі даўно: «Я думаю, Наталля Іванаўна (Качанава —Зв.) ужо вам расказала — мы даўно з ёй чакалі вас тут, рыхтаваліся спецыяльна, каб вас тут лепш па-дамашняму сустрэць».

Валянціна Мацвіенка падзякавала сваёй калезе Наталлі Качанавай, старшыні Савета Рэспублікі, за выдатную праграму сустрэчы: «Мы сёння наведалі храм-помнік у гонар Усіх Святых, і я прывезла капсулу з ржэўскай зямлёй. Вы ведаеце, што пад Ржэвам была самая крывавая і працяглая бітва. Такая чуллівая была цырымонія. І я рада, што частка гэтай зямлі, палітая крывёй і рускіх, і беларусаў, і іншых народаў будзе захоўвацца ў вашым храме. Асабліва гэта знамянальна сёлета, калі адзначаем 75-годдзе Перамогі».

Спікер Савета Федэрацыі выказала захапленне храмам, назваўшы яго ідэю «іншай філасофіяй», бо ў ім знаходзіцца асаблівы зал памяці — крыпта.

Марыя ДАДАЛКА

Выбар рэдакцыі

Грамадства

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

У пачатковы перыяд Вялiкай Айчыннай вайны зацятыя баi разгарнулiся пры абароне Барысава — старадаўняга беларускага горада на Бярэзiне. 

Грамадства

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

«Лічбавыя жулікі», якія здымаюць грошы з чужых банкаўскіх карт, звычайна маскіруюцца пад інтэрнэт-рэсурсы, вартыя даверу.